ہور وی جگ تے سوهنے ڈٹهے

ہور وی جگ تے سوہنے ڈِٹهے

سجناں تیری گل وکهری اے

سندھ چنهاواں چهلاں مارن

پر جہلم دی چهل وکهری اے 

مرزا سکندر بیگ

روگ اولڑا ول نہیں ہوندا

روگ اولڑا ول نہیں ہوندا

چلنا چاہناں چل نہیں ہوندا

ہنیریاں جهکهڑ جهلدے رہندے

پانی دا کوئی چهل نہیں ہوندا

بهر بهر بهانویں مشکاں پائیے 

کجھ رُکهاں تے پهل نہیں ہوندا

ناگاں ڈنگے اٹھ بہندے نیں 

یار دا ڈنگیا ول نہیں ہوندا 

کہندا سی میں کل آواں گا 

رات نہیں لنگهدی کل نہیں ہوندا 

آ جاندی فیر یاد سکندرؔ

اونہوں بُهلیاں پَل نہیں ہوندا 

مرزا سکندر بیگ

قبراں وچ آ ڈهکے دکھ

قبراں وچ آ ڈُهکے دکھ

مر کے وی ناں مُکے دکھ

لوکیں کیویں پڑھ لیندے

ہاسیاں اندر لُکے دکھ

راہواں دے وچ آ بہندے

ساڈی رت دے بُهکے دکھ

پهل ونڈے میں سجناں نوں

اپنے سر تے چُکے دکھ

مرزا سکندر بیگ

ساہ ساہ اکو بین وجانا اوکها

ساہ ساہ اکو بین وجانا اوکها

زہری ناگ پٹاری پانا اوکها

انج تے عشق دے دعویدار بتیرے

کربل دے وچ بال کہوانا اوکها

لکها ں ویکهے ورد وظیفے کردے

نیزے چڑھ قرآن سنانا اوکها

آپ حفاظت کرن ہواواں جسدی

پهوکاں نال چراغ بجهانا اوکها

مرزا سکندر بیگ