اس جبھ دی توقیر کسے دن لے بہناں

 جدید پنجابی شاعری

اس جبھ دی توقیر کسے دن لے بہناں 

وعدے دی زنجیر کسے دن لے بہناں 

اس صورت نے انھیاں کر کے چھڈنا اے

خواباں دی تعبیر کسے دن لے بہناں 

سب دا پلّا چھڈیا، مرشد میرا عشق 

مینوں میرے پیر کسے دن لے بہناں 

دل قبراں ورگا اے

 جدید پنجابی شاعری

دل قبراں ورگا

دل قبراں ورگا اے

جتھے سُفنے مُردہ حالت وچ

تے سو گلاں دبیاں ہوئیاں نیں

جتھے ارماناں نوں دفنایا ہویا اے

جتھے مٹی وچ جذبے نپے ہوئے نیں

جتھے خاباں دی نگری نوں

او جس کل نوں سجنا نیں ٹر جانا

 جدید پنجابی شاعری

او جیس کل نوں سجنا نیں ٹر جانا

ربّا! کدی وی او کل نہ ہووے

میری مشکل دا ایہی حل اے

کدی مشکل میری حل نہ ہووے

پچھلے پچھائیں جائی جاندے نیں

اگلیاں نال وی رل نہ ہووے

بس کردے بس رو نہ نال مرے ہس

 جدید پنجابی شاعری

بس کردے بس رو نہ

نال مرے ہس، رو نہ

گل نہیں لاؤندا کڑما

کہندا اے بس، رو نہ

جگ شریکڑا ہسّے گا

دکھ مینوں دس، رو نہ

قاصد ہتھ سنیہا گھلدا رہناں واں

 جدید پنجابی شاعری

قاصد ہتھ سنیہا گھلدا رہناں واں 

آپ وی اوہدے  پِچھے چلدا رہناں واں 

تیرا خط جِسراں کُرتا پیغمبر دا

پڑھ پڑھ کے اکھاں نُوں ملدا رہناں واں

اندر میرے نھیرے نپے ہوئے نیں 

اُتوں سُورج وانگوں بلدا رہناں واں

کوئی داء یاں پج نہیں آیا

 جدید پنجابی شاعری

کوئی داء یاں پج نہیں آیا 

سچی مینوں چج نہیں آیا 

ماپیاں نے جا قبراں ملیاں

میرے حصے حج نہیں آیا 

آپ گواچے نوں لبھدا ہاں  

تیرے پِچھے اج نہیں آیا 

رسماں مینوں کھا جانا توں وی مکھ پرتا جانا

جدید پنجابی شاعری

 رسماں مینوں کھا جانا

توں وی مُکھ پرتا جانا

اللہ اُتے ڈوری اے 

ایویں نہ گھبرا جانا 

جیہڑے موڑ تے وچھڑے ساں

اوسے موڑ تے آ جانا 

صبراں دے گھٹ بھرنے پیندے

 صبراں دے گُھٹ بھرنے پیندے 

سجناں دے دُکھ جرنے پیندے

یاراں خاطر کنی واری  

کُتے کم وی کرنے پیندے

حق نوں حق جتاون دے لئی 

سِر نیزے تے دھرنے پیندے

آ مل سجناں دریا بن کے

 آ مل سجناں دریا بن کے

میں بیٹھا واں صحرا بن کے

اوہدے سفنے سانبھ لئے میں

اوہدی اکھ دا کجلا بن کے

مورت بن کے ساویں بہہ توں

تینوں ویکھاں شیشہ بن کے

گنتی دے دن دو وی تن وی

 گنتی دے دن دو وی تن وی

اوہ نہیں آیا ستویں دن وی

کرنا ہووے کیہ نہیں ہوندا

ممکن وی تے ناممکن وی

راتاں دن توں لمیاں ہوئیاں

تے راتاں توں لمے دن وی

رکھاں دی گہری چھاں ایں ستے خیراں نیں

 سجناں تے متراں نوں پنجاب دا ثقافتی دیہاڑ مبارک

رکھاں دی گہری چھاں ایں ستے خیراں نیں

جے گھر وچ تیرے ماں ایں ستے خیراں نیں

اُجڑن دا کیہ ہر اک اجڑ جانا اک دن

اُجڑ کے وی تے ناں ایں ستے خیراں نیں

ایتھے وچھڑ وی جاواں گے تے فر کیہ اے

ساڈا تے میل اگاں ایں ستے خیراں نیں

رسماں مینوں کھا جانا

 رسماں مینوں کھا جانا

تُوں وی مُکھ پرتا جانا

اللہ اُتے ڈوری اے 

اویں نہ گھبرا جانا 

جہڑے موڑ تے وچھڑے ساں

اوسے موڑ تے آ جانا