جدید پنجابی شاعری
کعبے دے رل پھیرے لاندے
قاضی مُلاں چور
اُتوں اُتوں رب رب جاپدے
وِچ وسایا ہور
کوئی وِی اج تائیں رب تُوں نہ ڈریا
ایویں مچاون شور
جدید پنجابی شاعری
کعبے دے رل پھیرے لاندے
قاضی مُلاں چور
اُتوں اُتوں رب رب جاپدے
وِچ وسایا ہور
کوئی وِی اج تائیں رب تُوں نہ ڈریا
ایویں مچاون شور
جدید پنجابی شاعری
پہلاں الے اچیچ مُک گئے
یکدم سجن سارے لُک گئے
ٹُردے سی جو موڈھا جوڑ کے
قَدم اوہ وی سارے رُک گئے
واہ مالکا! تیرے صدقے جاواں
ہِک ہِک کر کے رشتے ٹُٹ گئے
جدید پنجابی شاعری
میں تے تُوں رل ٹُر نہیں سکدے
لنگھے ویلے ہُن مُڑ نہیں سکدے
نِبھ گئی جِنی نِبھنی سی ساڈی
ہِکو راہ تے رل ٹُر نہیں سکدے
دوہاں پاسے الزاماں دِیاں پنڈاں
کِسے وی تکڑی تُل نہیں سکدے
پنجابی عارفانہ کلام
غفلت نہ کر او یار دلیرا
رب دے گھر وی پا لے پھیرا
پنج ٹَیم رب دا بلاوا آوے
منہ نہ موڑ او یار دلیرا
مندیاں چنگیاں دا ایہو رب اے
آکڑ نہ ایس اگے او یار دلیرا
جدید پنجابی شاعری
سائیاں وے سائیاں وے اللہ سائیاں
کر دے مینوں معاف وے اللہ سائیاں
میں بھریا نال گناہیں توں جاندا ایں
آیا کھڑا واں تیرے دربار اللہ سائیاں
نظر کرم میرے تے وی کر دے سائیاں
رحم و کرم کر دے خاص اللہ سائیاں
جدید پنجابی شاعری
میرا بھاویں ککھ نہ رکھ
اِنج تے اپنے تُوں وکھ نہ رکھ
سِر سُٹنا سی سُٹ چھڈیا اے
ساڈی وِی تے تُوں لج رکھ
ڈکنیاں نی تے ساہواں ڈک
بلدی اُتے ککھ نہ رکھ
ش شرم آؤندی اَے مینوں
کہ تُہاڈا رشتہ دار ہاں میں
تُساں رل چالاکیاں کِیتیاں
جِیویں تُہاڈا جُرم دار ہاں میں
تُساں لج نہ رکھی پُرکھاں دی
جِنہاں دا راز دار ہاں میں
پنجابی عارفانہ کلام
م مُحمدﷺ دے در تے جاواں
مدینے جا کے واپس نہ آواں
ہر ویلے منگاں ایہو میں دُعاواں
پر لا مینوں ربا اُڈ کے میں جاواں
جا کے دُکھڑے سوہنے نُوں سُناواں
کر دے پُوریاں ربا میریاں دُعاواں
جدید پنجابی شاعری
رب وی توں رحمان وی توں
توں ہی ایں خدا
سُنڑدا اَیں توں سب دی مولا
جو وی کرے صدا
جہنوں چاہویں کر دیندا ایں
توں سب کجھ عطا
جدید پنجابی شاعری
آٹے چوں کی روٹی نکلے
قسمت ای جد کھوٹی نکلے
انج حیاتی نکلی جیونکر
جُتی پیروں چھوٹی نکلے
عدیل احمد
جدید پنجابی شاعری
عیباں بھریا بندہ میں
اندروں باہروں گندہ میں
رب نے میرے عیب کجّے
کُل جہان توں مندا میں
عدیل احمد
جدید پنجابی شاعری
گِٹے گوڈے مل مل دھوتیاں
اندروں مَیل نہ جاوے
مَکے جا زم زم پِی بھاویں
کُمبھ وِچ گنگا نہاوے
میں میں کریاں مَیل نہ مُکدی
بھاویں حج تِیرتھ کر آوے
جدید پنجابی شاعری
دنیا نال کنارا کر کے
دُکھاں نال گزارا کر کے
اَپنی مَستی جِیندے پئے آں
دُکھ تے درد گوارا کر کے
جِس دے ناں دے نفل نِیتے
ٹُر گیا اوہ کنارا کر کے
بھاویں بدل جھکڑ سردی گرمی تے اوہدی چھٹی نہ کوئی
سارے آکھن ماں ماں، پر پئیو نہ آکھدا اے کوئی
ماں دے پیراں پیٹھ اے جنت پر پئیو جنت دا بُوہا
تے بنا بُوہے کسے وی گھر وچ وڑ سکدا نہ کوئی
عدیل احمد
مسجد تیری مندر تیرا تیرے سارے دربار
ملانے سادھو ویچن کوڑ کون ایتھے سچیار
سن لے اپنے من دی مل لے کوئی دوار
لڑ لگ جا کسے اک دے ہو جاوے گا بیڑا پار
عدیل احمد