جذبیاں وچ ڈبو کے خالد

 پنجابی عارفانہ کلام

جذبیاں وچ ڈبو کے خالد

پلکاں ہیٹھ لکو کے خالد

نعت دیاں خشبوواں ونڈاں

ہنجو ہار پرو کے خالد

اوہدا ناں ہونٹاں تے لیاواں

مونہہ خشبو نال دھو کے خالد

منزلاں نوں پھڑیا مصطفیٰ دا ناں لے کے

پنجابی عارفانہ کلام

منزلاں نوں پھڑیا مصطفیٰﷺ دا ناں لے کے

میں کدی وی نہیں رکیا مصطفیٰ دا ناں لے کے

نہیریاں دی بھیڑ اندر اوہنے حوصلہ دتا

رب نوں یاد جد کیتا مصطفیٰ دا ناں لے کے

رب تے اوہدے سوہنے دا پیار ایہناں گُوڑا اے

لبھ لیا میں رب سوہنا مصطفیٰ دا ناں لے کے

فیر طیبہ توں بلاوا آ گیا

 پنجابی عارفانہ کلام

فیر طیبہ توں بلاوا آ گیا

فیر پیاسے کول دریا آ گیا

بھیک منگنا واں شہا دیدار دی

لے کے اکھاں دا میں کاسہ آ گیا

جتھے پلکیں چن تارے سج گئے

ایہہ دلا! دس کیہڑا پاسا آ گیا

سوہنا کملی والا ماہی طیبہ دا

 پنجابی عارفانہ کلام

سوہنا کملی والا ماہی طیبہ دا

جگ وچ سبھ توں اعلیٰ ماہی طیبہ دا

عزتاں دا رکھوالا ماہی طیبہ دا

بنے لاون والا ماہی طیبہ دا

غم دے صحرا اندر ورہدی لوواں وچ

پیار دا مٹھا پالا ماہی طیبہ دا

میں اس دربار وچ جھکیاں نگاہواں ویکھ آیا واں

پنجابی عارفانہ کلام

 میں اس دربار وچ جھکیاں نگاہواں ویکھ آیا واں

درداں نال مہکن جو فضاواں ویکھ آیا واں

تڑفدے تے بلکدے دل وی جتھے چین پاندے نیں

میں اس گلشن دیاں تازی ہواواں ویکھ آیا واں

نظر نوں روشنی ونڈدا اے اوتھے گنبد خضرا

میں ساوے رنگ وچ رنگیاں فضاواں ویکھ آیا واں

حضور آپ نوں عظمت کہواں میں آدم دی

پنجابی عارفانہ کلام

 حضور آپ نوں عظمت کہواں میں آدم دی

حضور آپ نوں مولا دی میں عطا لکھاں

حضور آپ نوں چارہ کہواں زمانے دا

حضور آپ نوں ہر درد دی دوا لکھاں

حضور آپ دے در تے رہواں سدا بیٹھا

حضور آپ نوں اپنا میں مدعا لکھاں

دل دے اندر چارے پاسے اوہناں دیاں تصویراں نیں

جدید پنجابی شاعری

 دل دے اندر چارے پاسے اوہناں دیاں تصویراں نیں

جنہاں ہتھ جنت دی کنجی، اُمت دیاں تقدیراں نیں

اوہناں کول شفاعت، رحمت، شفقت بھرے خزانے نیں

ساڈے اندر، ساڈے باہر، ہر پاسے تقصیراں نیں

خالد شفیق بٹ

سارے جگ لئی خیراں منگے سوہنا ساوا گنبد

 سارے جگ لئی خیراں منگے، سوہنا ساوا گنبد

جگ نوں نُوری کِرناں ونڈے، سوہنا ساوا گنبد

گمراہی توں بچنا جے تے میرے ہیٹھاں آؤ

ایہہ گل سارے جگ نوں آکھے، سوہنا ساوا گنبد

خالد شفیق بٹ

جذبیاں وچ ڈبو کے خالد

جذبیاں وچ ڈبو کے خالد

پلکاں ہیٹھ لکو کے خالد

نعت دیاں خوشبواں ونڈاں

ہنجو ہار پرو کے خالد

اوہدا ناں ہونٹاں تے لیاواں

منہ خشبو نال دھوکے خالد

سوچاں نوں سمجھائے کون

سوچاں نُوں سمجھائے کون

سوچا راہے پائے کون

جس نے ڈُھلنا سی او ڈُھلیا

ڈُھلے تے پچھتائے کون

اپنا غم تے سبھے کھاندے

غیراں دا غم کھائے کون