رنگ وطن: عبداللہ سفیر

Showing posts with label عبداللہ سفیر. Show all posts

Friday, 2 July 2021

سانُوں اپنے حال تے رونا آؤندا اے

اکھاں اگے جد وی سوہنا آؤندا اے

آخری ساہواں تیکر رستہ ویکھاں گا

مینُوں پبّاں بھار کھلونا آؤندا اے

آ جاوے دلدار تے ہاسے پُھٹدے نیں

نہ آوے دلدار تے رونا آؤندا اے

"جان تلی تے دھر کے خوش آں"

کلیاں جیونا اوکھا لگدا

میں تیرے نال مر کے خوش آں

مسجد، مندر، چرچ، کلیسا

اِکو تھاں تے دھر کے خوش آں

دل دی گل ہن کہہ لینا واں

ہجر کمانا اوکھا کم اے

وصل سمجھ کے سہہ لینا واں

سارے دن دا تھکیا ٹُٹیا

تیرے در تے بہ لینا واں

دم دا بهروسہ نئیں ایہہ تیری شان اے

مٹی دیا باویا کاہدا تینوں مان اے

دهوکے تے فریب نے مت تیری ماری اے

من وِچ کهوٹ تیرے، منہ اتے داڑھی اے

کم نئیں کوئی چنگا تیرا، کاہدا انسان اے

مٹی دیا باویا کاہدا توں انسان اے