رنگ وطن: احمد عطاءاللہ

Showing posts with label احمد عطاءاللہ. Show all posts

Sunday, 30 January 2022

نی کچے تیرے کوٹھے دے ساہنوں عشق طواف کرائے

نی کچے تیرے کوٹھے دے

ساہنوں عشق طواف کرائے

عشقے دا تاپ وکھرا

جیہدا سیک گلی تک جائے

اک سانول دی سنگت کیتی

چٹا جگ خصماں نوں کھائے

منہ او دھوون لگی سی

لو جئی ہوون لگی سی

مہندی رنگلے ہتھاں نال

بکری چوون لگی سی

ہسدی ہسدی ٹھہری ایویں

جیویں روون لگی سی

نگھا پنڈ پرالی ورگا

کوئی نیں چک چتالی ورگا

اساں وی ویہڑے بیری بیجی

رُکھ اُگیا اک ٹاہلی ورگا

ورہیاں مغروں نظریں آیا

نویں نکور پیالی ورگا

رنگ برنگے دھسے اوہدے

رنگ برنگے دُھسے اوہدے

اوہتوں ودھ کے کُھسے اوہدے

ون سونی روز سویرے

اوہتوں یار ناں رُسے اوہدے

پنڈوں ٹُر گئی یاد کرو گے

ہس ہس رو رو غُصے اوہدے

کالے اک دن ہون گے بگے

کالے اک دن ہون گے بگّے

روہندی رہ گی چہلے اگے

عشق تے رہن نیں دیندا چہگے

شاوا میریے چٹیے پگے

میں وی اوہدے سفنے جُتّے

شام پئی تے موڑے ٹہگے

رہ گئی یاری پچھے

رہ گئی یاری پِچھے

کوئی نئیں باری پچھے

نیلے پیلے ہوئے

اوس قندھاری پچھے

اساں تے یار گنوائی

ادھی، ساری پچھے

صفحات