دکھ وی ویکھے سکھ وی ویکھے

 پنجابی پوٹھواری پوٹھوہاری پہاڑی شاعری

دُکھ وی ویکھے

سُکھ وی ویکھے

رَج وی ویکھے

پُکھ وی ویکھے

ساوے سُکے

رُکھ وی ویکھے

تاہیوں ڈھیری ڈھا بیٹھا ایں

 تاہیوں ڈھیری ڈھا بیٹھا ایں

لگدائے کج گنوا بیٹھا ایں

اے ہنجواں دا ہڑ دسدا اے

ہاسے کِتے ونجا بیٹھا ایں 

اپنے آپ اچ مردا جاویں

کیہڑا قہر کما بیٹھا ایں

آ بلھیا توں اپنا پنجاب ویکھ لے

 بلھے دا پنجاب

آ بُلھیا تُوں اپنا پنجاب ویکھ لے

ایتھے ترقی تے سڑدے گلاب ویکھ لے

جِتھے پُھل سی بیلا چنبیلی کِھلدے

اج لہُو نال ہوئی اے سراب ویکھ لے

گھنڈ الہڑاں دے کدھرے گواچ گئے

اج چہریاں تُوں اُترے نقاب ویکھ لے

سوہنا تیرے لارے تے

 سوہنا! تیرے لارے تے

بیٹھے دور کنارے تے

رہتل پکھی واساں دی

جمے کیوں چُبارے تے

رُکھاں نوں پانی لاواں

لوکی چِیرن آرے تے

دل دے بوہے کھول وے ارشد

آپنے آپ نال

 دل دے بُوہے کھول وے ارشد

ساہنواں رکھ کے تول وے ارشد

ایوین جگ ڈھونڈیندا پھردا ایں

تیرا، تیرے کول وے ارشد

ساہنواں نال نیں سانجاں سبھے

ایویں جِند ناں رول وے ارشد

دل دے بوہے کھول

آپنے آپ نال

دل دے بُوہے کھول وے ارشد

ساہنواں رکھ کے تول وے ارشد

ایویں جَگ ڈھونڈیندا پِھردا ایں

تیرا، تیرے کول وے ارشد

ساہنواں نال نیں سانجھاں سبھے

ایویں جِند ناں رول وے ارشد