Showing posts with label شاہد اقبال. Show all posts
Showing posts with label شاہد اقبال. Show all posts

Friday, 24 May 2024

یار رستہ میکوں ڈکھیندے پئین

 پنجابی سرائیکی شاعری


میں توں جہڑھے تیکوں رکیندے پئین

اپڑیں حصے دا کم کریندے پئین

اوندی شادی دا فیصلہ تھی گئے

کنڑک بے موسمی رہیندے پئین

مال جتھاں بدھیندا ہا ساڈا

لوگ مچھی اتھاں مریندے پئین

Sunday, 11 February 2024

ہونکوں نندروں اٹھال چھوڑاں ہا

 پنجابی سرائیکی شاعری


ہونکوں نندروں اٹھال چھوڑاں ہا

یعنی وسمی بھا بال چھوڑاں ہا

جیڑھی دل وچ نہ پئی جھلیندی ہٸی

کر میں کیویں او گال چھوڑاں ہا

سمدے ویلھے خیال اندا پٸے

یار کوں گھر دے نال چھوڑاں ہا

Saturday, 3 February 2024

جیکوں پوڑی ڈیونڑی پوسی

 پنجابی سرائیکی شاعری


جیکوں پوڑی ڈیونڑی پوسی

نال دعا وی ڈیونڑی پوسی

میڈی اکھ وچ پہونڑ کیتے

خواب کوں بیڑی ڈیونڑی پوسی

ہر کٸی میڈے دل دو بھجدے

اندروں کنڈی ڈیونڑی پوسی

Tuesday, 20 June 2023

سارے منظر کوں ڈہدا بیٹھا ہاں

 پنجابی سرائیکی شاعری


سارے منظر کوں ڈہدا بیٹھا ہاں

زہر اکھ نال پیندا بیٹھا ہاں

تیڈے سوچیں دی پینگھ وچ بہ تے

خود کوں ترتیب ڈیندا بیٹھا ہاں

توں تے اہدیں جو ڈینھ گزر ویسن

میں کنوں پچھ گڑیندا بیٹھا ہاں

Sunday, 7 May 2023

اوترک اکھ تیڈا ویم تاں نٸیں

 اوترک اکھ تیڈا ویم تاں نٸیں

اندھے ہوونڑ دا تھوڑا غم تاں نٸیں

تیڈا اندر جو سارا ڈسدا پٸے

آب زم زم دا تیڈا چم تاں نٸیں

توں الاویں تے ٹھیک رہ سگداں

تیڈے کیتے اے اوکھا کم تاں نٸیں