Showing posts with label شریف کنجاہی. Show all posts
Showing posts with label شریف کنجاہی. Show all posts

Thursday, 6 June 2024

مڑ اج یاد کسے دی آئی آئی یاد کسے دی

 گیت


مڑ اج یاد کسے دی آئی

آئی یاد کسے دی 

لوں لوں دے وچ دھائی

یاد کسے دی 

آئی یاد کسے دی 

یاد کسے دی راس دلے دی

Wednesday, 27 September 2023

اج تک مینوں یاد ہے تیرا ملنا جاندی واری

جدید پنجابی شاعری


اج تک مینوں یاد ہے تیرا، ملنا جاندی واری

اکھ وچ سِکاں، دل وچ سِکاں، لوں لوں دے وچ سِکاں

لا لا بُلھیاں دے نال بُلھیاں، ہِکاں دے نال ہِکاں

لام تے جاندی واری، جد ونڈیاں سن چِھکاں

دو دِلاں دے جذبیاں دی اوہ سوڑ، اوہ سوڑ آپ مہاری

اج تک مینوں یاد ہے تیرا، ملنا جاندی واری

Thursday, 13 July 2023

رنگا رنگ نے کپاہ دے پھل وے

 جدید پنجابی شاعری


رنگا رنگ نے کپاہ دے پھل وے

کدے بخت نہ وِکدے مُل وے

لیندے نہ خرید! پر جیویں ہانیاں

کرئیے تے کرئیے، کی وے ہانیاں

کرن نہ دندے اچی سی وے ہانیاں

ہنجھو چندرے نے پیندے ڈُل وے

Wednesday, 12 July 2023

نہ بیبا ہن میں نہیں اینے جوگی

 جدید پنجابی شاعری

نہ بیبا ہُن میں نہیں اینے جوگی


کی ہن فیر پریتاں پائیے؟

فیر آساں نوں پانی لائیے؟

فیر آپے وچ رَل مل جائیے؟

نہ بیبا ہُن میں نہیں اینے جوگی

ہُن نہیں ایہناں ڈونگھیاں پینڈیاں دے وچ وڑنے جوگی

Wednesday, 28 June 2023

اج اس پنڈ دے میں کولوں لنگھ چلیاں

 جدید پنجابی شاعری

تیرا پِنڈ


اج اس پنڈ دے میں کولوں لنگھ چلیاں

جتھوں کدے ہلنے توں دل نہیں سی کردا

جتھے مینوں نت پیا رہندا کوئی کم سی

کم کی سی، سچی گل اے جتھے تیرا دم سی

تیرے دم نال پنڈ حج والی تھاں سی

Wednesday, 14 June 2023

شریف کنجاہی(شخصی و علمی تعارف و حالات زندگی)

 شریف کنجاہی

پروفیسر ڈاکٹر شریف کنجاہی 13 مئی 1914 کو کنجاہ، گجرات، پنجاب (متحدہ ہندوستان)میں پیدا ہوئے، کنجاہ کا تاریخی قصبہ اب پاکستان میں واقع ہے۔ شریف کنجاہی کا اصل نام محمد شریف تھا، آپ کے والد محترم کا نام غلام محی الدین تھا جو ایک جانے مانے ماہر تعلیم تھے۔ آپ کے نانا محمد دین صاحب علامہ محمد اقبال کے پہلے نکاح کے گواہ بھی تھے۔ آپ مشہور شاعر، کالم نگار اور صحافی منو بھائی کے ماموں بھی ہیں۔ آپ نے 21 جنوری 2007 کو وفات پائی اور ان کی خواہش کے مطابق انہیں آباہی قصبے کنجاہ کے صوفی بزرگ غنیمت کنجاہی کے مزار کے احاطہ میں دفن کیا گیا۔

Saturday, 28 May 2016

مونہوں بھاویں گل نہ نکلے، ہونٹ پھڑک کے رہ جاندے نے

مونہوں بھاویں گل نہ نکلے، ہونٹ پھڑک کے رہ جاندے نے
انج وی اپنے دل دیاں گلاں کہنے والے کہہ جاندے نے
رت تہائے راہواں اتے اوہو مسافر ساتھی میرے
کنڈے دی اک چوبھ تے جہڑے چھالے وانگوں بہہ جاندے نے 

مشر برہمن وید نہ جانن روگ اساڈے گجھے

مشر برہمن وید نہ جانن روگ اساڈے گجھے
گجھیاں لگیاں ہوئیاں نوں کوئ لگیاں والا بجھے
جس بے ترس نے اگے سانوں اتھوں تیک پوچایا
پٹھی مت والا دل ویکھو پھر اسے ول بھجے

کھیڈ لے میریے بھولیے دھیے

کھیڈ لے میریے بھولیے دِھیے
کھیڈ لے گُڈیاں نال 
اپنیاں ضِداں اَڑیاں وی منوا لے چار دیہاڑے 
تیرا راہ مَل بیٹھے ہوئے نے کِنے وخت پواڑے 
کِنے دکھ جنجال 
کھیڈ کھیڈ لے چھیتی چھیتی 
کھیڈ لے گُڈیاں نال

شریف کنجاہی

مولا خیر گزارے

مولا خیر گزارے

جنگاں مڑ چھِڑیاں کہ چھِڑیاں 
قوماں بھِڑیاں کہ بھِڑیاں 
دور کتھے گجدے نیں جیہڑے 
آ وسے جد ویہڑے 
کیہ ہووے دا 
کیہ بنے دا 
کیہ کراں دے 
کدھر جاں دے 
گھل مل آئے 
چار چوفیرے بدل 
جدوں سوا ہرے 
مولا خیر گزارے 
دل آکھے ایہہ وسدی دنیا
ہسدیاں وسدیاں انساناں دیاں نسلاں
سوہنے سوہنے کھِڑے کھِڑے جیہے مکھڑے پیارے پیارے
رب جیہناں نوں سب توں چنگا سب توں سوہنا آپ آکھ پکارے
کیہ ایہہ آپو وچ ای لڑ کے مرجاون گے سارے
مولا خیر گزارے
دل آکھے ایہہ نسریاں کنکاں
پکیاں ہویاں فصلاں
تیویاں جہناں کولوں
منگن روپ ادھارے
مڑ ساؤنی دیاں کٹکاں
سروں سروں اچے ٹانڈے
لچک لچک کے سروآں نوں شرماندے
آسے پاسے لگیاں ہوئیاں،
گٹھّ گٹھّ نالوں لمیاں چھلیاں
ڈھاکے لا کے بال ایانے ہون جویں مٹیاراں کھلیاں
کی ایہناں تے اسماناں توں وسنگے انگیارے ؟
مولا خیر گزارے
میں سوچاں ایہناں دے وچوں دانہ نہیں اوہناں جوگا
جہناں کرتیاں کرساناں نیں
جیٹھ ہاڑ دیاں دھپاں
پوہ ماگھ دے پالے
اپنے سر تے جالے
رتاں مڑھکے بن بن چوئیاں
مڑھکے نہراں بن بن وگے
تاں ایہہ فصلاں ہوئیاں
تاں ایہہ بوٹے لگے
اج ایہناں دا اک اک سٹہ اک اک تیلا
سپاں دیاں جیبھاں بن بن آوے
شوک شوک کے پیا ڈراوے
میں سوچاں ایہناں دا سانوں کی ریجھ کی چا
کی ایہناں دتا
ایہہ ساڈے کس کارے
مڑ وی خورے کہڑی گلے لگن پئے پیارے
جیون جوگے دیس دے متریئے وی نظارے
تے میریاں ہوٹھاں چوں نکلن لفظ ایہہ آپ مہارے
شالا دور رہن ایہناں توں بجلی دے لشکارے

شریف کنجاہی

میں ون دا سنگھنا بوٹا

ون دا بوٹا

میں ون دا سنگھنا بوٹا
ٹھنڈیاں میریاں چھاواں 
مٹھیاں میریاں پیلو
وے توں راہیا جاندیا 
بھکھن، بھانیا ماندیا 
آ جھٹ کو ساہ لے
میریاں پیلو کھا لے
میری چھاویں بہہ لے 
میں ون دا سنگھنا بوٹا
ٹھنڈیاں میریاں چھاواں

Monday, 16 November 2015

انج تے میں وی سوچاں جو سوچے ہر کوئی

انج تے میں وی سوچاں، جو سوچے ہر کوئی 
فرق ایناں ای، میں نہیں اپنے دل دی کدے لکوئی 
ویلا جدوں کدے وی تیرے ہتھ پھڑائے ڈوئی
سوچ کہ اس نے کیوں پہلے ورتاوے ہتھوں کھوہی 
کھڑنا اوسے پھل دا، جس نے ونڈی مہک دوالے
جھڑنا اوسے پھل دا، جس تے اکھ سمے دی روئی

Sunday, 16 November 2014

بخت نہ وکدے مل وے

بخت نہ وِکدے مُل وے

رنگا رنگ نیں کپاہ دے پُھل وے
کِتے بخت نہ وِکدے مُل وے 

لیندے نہ خرید، پر جیویں ہانیاں
کریئے تے کریئے، کی وے ہانیاں
کرن نہ دیندے اُچی سی وے ہانیاں
ہنجھو چندرے نے پیندے ڈلھ وے

Thursday, 16 January 2014

ایس بھلیکھے وچ آ کے میں اندروں کنڈی ماری

ایس بُھلیکھے وِچ آ کے میں اندروں کُنڈی ماری 
 ساری عمر کسے نہ ٹوہنی میرے دل دی باری 
نہ رَستے وِچ رُکھ سی کوئی، نہ چھتری ہَتھ میرے
 میں سَدھراں دی دُھپ وِچ سَڑ کے، سِخر دوپہر گزاری 
 کچیاں پلیاں اِٹّاں بھریاں تے کھولا کر گئیاں
 سُکھ سَپنے دی جدوں حویلی، کِدھرے اسیں اُساری 
دل سودائی ہر اِک اُتّے، دعویٰ بَنھ کھلوندا
 رُکھاں دے نال پَکّی پائی کس پنچھی نے یاری 
مصر کچہری، گَل  شریفؔ، زُلیخاں دی سی سَچّی
 گھر بہہ کے جُٹھیاوے بھاویں، اوس نُوں خلقت ساری 

شریف کنجاہی

سہمے ہوئے دس نہیں سکدے جو کجھ سر تے بیتی

سہمے ہوئے دَس نہیں سَکدے، جو کجھ سر تے بِیتی 
 اکھیاں والیاں توں نہیں اوہلے، جو کُجھ پوہ نے کِیتی 
 دُکھ سَدھراں توں پیدا ہوندے، پر سَدھراں توں خالی
 جِنّی جس دے نال ہے بِیتی، اونی اوس نے کِیتی 
 ہر درزی نے اس چولے تے قینچی نُوں ازمایا
 کسے نہ کرماں والے سوئی نپ کے اُدھڑی سِیتی 
 دُکھیاں دا سَنگ چَھڈّ دینا وی نہیں دُکھاں دا دارُو
 پھیر پرانے سَنگیاں دے سَنگ، رَل کے دو گُھٹ پِیتی 
 سُتّے ہوئے لوکاں تائیں کون شریفؔ جگائے 
 مندر دے ٹَل گُنگے گُنگے، تَھتّھی بانگ مسِیتی 

شریف کنجاہی

ایہہ کنڈیالا رستہ ہتھوں ہور ودھائے لیراں

ایہہ کنڈیالا رَستہ ہتھوں ہور ودھائے لِیراں 
 کِیکن کوئی کس کس کولوں، پیا لُکائے لِیراں 
 میں وسداں جس نگری، اس دے وِچ نہ کوئی درزی
 ہولی ہولی چولا سارا، ہُندا جائے لِیراں 
 انج خیال سمیٹے پڑھ پڑھ اسیں کتاباں وِچوں
 راہواں وِچوں جیوں کوئی جَھلّا، چنڑدا جائے لِیراں 
 بڑیاں رِیجھاں نال سی کڑیاں، اس کھیہنوں نُوں بنھیاں
 دو تھالاں دے وِچ ای جیہڑا، ہو وننجیا اے لِیراں 
 نویں شریفؔ ہنڈاؤندے اوہو، جو محنت نے کردے
 منگتیاں دے وانگوں باقی، ہر کوئی پائے لِیراں 

شریف کنجاہی

انج تے میں وی سوچاں

انج تے میں وی سوچاں، جو سوچے ہر کوئی 
 فرق ایناں اے، میں نہیں اپنے دل دی کدے لکوئی 
 ویلا جدوں کدے وی تیرے ہتھ پھڑائے ڈوئی
 سوچ کہ اس نے کیوں پہلے ورتاوے ہتھوں کھوہی 
 کِھڑنا اوسے پُھل دا، جس نے ونڈی مہک دوآلے
 جَھڑنا اوسے پُھل دا، جس تے اکھ سمے دی روئی 
 تیرے "انٹر کانٹی نینٹل"، تُوں کی گُنھ پکایا
 نہ تُوں ونڈ چنے، نہ تڑکے اُٹھ کے چکی جھوئی 
 لِبڑے ہتھ شریفؔ اوہ مہندی رنگیاں نالوں چنگے
 چوندی چَھت لِپن نُوں جیہڑے، ہتھاں مٹی گوئی 

شریف کنجاہی

Sunday, 29 December 2013

ترنجن وچ چرخہ ڈاہ کے

ترنجن وِچ

ترنجن وِچ چرخہ ڈاہ کے
ماہیا وے ماہیا
ہُن کُڑیاں کردِیاں گَلاں
مینوں سبھے کردیاں ٹوکاں
میں ککن اوہناں نوں روکاں
اوہ گجُھیاں رمزاں مارن

میرے بول اولے؛ اج میں بھیڑا

میرے بول اَوَلّے

اَج میں بَھیڑا، اَج میں جُھوٹھا، میرے بول اَوَلّے
چنگ تہاڈی ہَٹّی وِکدا، سچ تہاڈے پَلّے
اَج وی جے میں اَکھ مَٹَکّے دے ای گِیت سناواں
بال ناتھ دے چیلے والی تھاں تھاں ناد وَجاواں
قِصّیاں دے وِچ رانجھا بَن بَن جِس گھر وقت گُزاراں
اوسے گھر دِیاں کُڑیاں کَڈّھاں، اوتھے ای سَنھ ماراں
رَنّاں دِیاں اِک اِک کر کے سِر تُوں پَیراں تائیں
وار و واری چَسکے لے لے کراں میں صِفّت ثنائیں
تاں تے مینُوں چنگیاں جانو، میرِیاں واراں گاؤ
میرے اِک اِک مِصرعے اُتّے رالاں پئے وَگاؤ
جے میں آکھاں اَسّیں تُسّیں آں اِک آدم دے جائے
کیوں مُڑ اِک وَگاراں کَٹّے تے اِک ویلھیاں کھائے
جے میں آکھاں دُنیا اُتّے بے گھر نہ کوئی ہووے
جے میں آکھاں بُڈّھے ویلے ٹوکری نہ کوئی ڈھووے
جے میں آکھاں مِسّا لُونا سارے رَل کے کھائیے
اِک دُوجے د۔یاں باہنواں بنیئے نالے بھار وَنڈائیے
جے میں آکھاں جھگڑیاں والیاں ساریاں مسلاں ٹَھپئے
مار مکاؤ گلّاں دے وِچ نہ ہفئیے، نہ کھپئے
تاں میں بَھیڑا تاں میں جُھوٹا، میرے بول اَوَلّے
چنگ تہاڈی ہَٹّی وِکدا، سچ تہاڈے پَلّے

شریف کنجاہی

گاما گامے ولوں کنی واری تک کے تے سوچنا واں

گاما

گامے وَلّوں کِنّی واری تَک کے تے سوچنا واں
ہاسے تے بکھیڑے اوہدے کیہڑے کُھوہ لہہ گئے
کیہڑی جُوہ رہ گئے
اوہ سَدا پُھل ہار کِھڑیا ای رہندا سی
ہَس ہَس ڈِھڈیں پِیڑاں پیندیاں، اوہ جِتّھے جھٹ بِہندا سی
محفلاں دی جان سی