رنگ وطن: ردا میر

Showing posts with label ردا میر. Show all posts

Monday, 14 October 2024

جدید پنجابی شاعری

اکھ دا پانی کیہ بنیا؟

نویں کہانی، کیہ بنیا؟

سِخر دُپہریں کِھڑ پئی ایں

رات دی رانی! کیہ بنیا؟

ہور کِسے دا ہوندے ای

جان سی جانی کیہ بنیا؟

جدید پنجابی شاعری

مندے رجّی جاندے نیں

عیشاں وٹّی جاندے نیں

باہروں کیہڑا آوے گا

وِچلے ٹھگّی جاندے نیں

آپے راکھے بنڑدے نیں

آپے دبّی جاندے نیں

جدید پنجابی شاعری

کل میں اوہنوں کال کراں گی

گلاں اپنے نال کراں گی

پکّی اِٹ نینہ تے رکھ کے

سُنجے سفنے لال کراں گی

مِل کے مُڑنا سوکھا تے نئیں

فر وی سانجھا حال کراں گی

توں کیہ کیتا

پچھدا اے

توں کیہ کیتا؟

ورھیاں توں میں آٹا گُنیا

روٹی ویلی، چوری کُٹی

پُرکھاں دی عزت رکھنا سِکھیا

پیار کرن دی رِیت ودھائی