مٹھے مدنی سئیں دی آمد تے تھی گھر گھر روشن کھڑدے ہن

مٹھے مدنی سئیں دی آمد تے تھی گھر گھر روشن کھڑدے ہن

گج وج کے ذکر نبی تھیندے دل ذکر توں ول ول ٹھردے ہن

خوش تھیندا ہے ہر ہک مسلم، شیطان دے چیلے سڑدے ہن

ہے شافی امت دا اشعؔر ہوندے در توں سارے بنڑدے ہن

اشفاق اشعر

آ ڈیکھ او شاہ تیڈی شاہی وچ ودے نکے بال کمیندن

آ ڈیکھ او شاہ تیڈی شاہی وچ ودے نکے بال کمیندن

جئیں ہتھ اچ بستہ ہوونڑاں ہا اوہے برتن پئے رگڑیندن

ہن میلیاں لیراں گل دے وچ، ودے ننگے پیر سڑیندن

گھر بار سنبھالنڑ کنڑ اشعؔر ودے سو سو جتن کریندن

اشفاق اشعر

کوئی تاں ساکوں یاد کریندا

کوئی تاں ساکوں یاد کریندا

ساڈے ناں دا ورد پکیندا

اتنا چاہندا ساکوں اشعؔر

رو رو اپنڑاں حال ونجیندا

اشفاق اشعر

اوپرا اوپرا گھر لگدا ہے

اوپرا اوپرا گھر لگدا ہے

زندگی! ویسوں مر لگدا ہے

شیشہ ڈیکھوں عیب نظردن

اپنڑیں آپ توں ڈر لگدا ہے

رب سکھ ڈیوی او چن ماہی

رب سکھ ڈیوی او چن ماہی

کوئی درد الم نہ آوی

ہوون خشیاں یار نصیب دے وچ

کوئی ڈکھ وی سر نا چاوی

وکھری تیڈی چال وے سانول

وکھری تیڈی چال وے سانول

پچھیا نوی حال وے سانول

کون لگی اشعؔر توں پیارا

سٹ گئیں ساڈا خیال وے سانول

اشفاق اشعر

فرقے بازی دا اتھ زور اے

فرقے بازی دا اتھ زور اے

کون سدھارے اوکھا دور اے

ہر جا تے ہے رشوت عام اے 

خدمت گاریں پاتا شور اے

خاب سہانے گال نا آوے

خاب سہانے گال نا آوے

ڈکھ گھن سارے نال نا آوے

آہدا ہئی پردیس کماساں

گل سٹ کئی گڑدال نا آوے