رنگ وطن: شائستہ حبیب

Showing posts with label شائستہ حبیب. Show all posts

Wednesday, 5 April 2023

کُوک

خورے ساڈی نِیّت کیہ سی؟

دل پُنگرن توں پہلاں ای تِیلا تِیلا ہو گیا اے

جِہڑیاں رُتاں نے آ کے سانوں پُھل بنانا سی

اوہ کِدھرے ہور ای تنبو تان کے

جا سُتیاں نیں

جیہدے اُپر کوئی پیر رکھ کے ٹُر جائے

میں تے زمین تے اُگی گھاہ ہاں

پیراں ہیٹھ مدھولی جاواں

پھیر وی سر نُوں اُچّا رکھاں

شائستہ حبیب

ماں بنڑ کے اوہ حیاتی دیوے

دھی بنڑ کے اوہ گیڑے کُھوہ

نونہہ بنڑ کے اوہ دِیوا بالے

سَس بنڑ کے اوہ مکھن کڈھے

مکھن سارے گھر لئی رکھے

آپے کھاوے سُکی روٹی