پنجابی پوٹھواری پوٹھوہاری پہاڑی شاعری
گل بات
جیہڑے باہنڑ چرِیٹھاں روحاں پر
او مسئلے بئی کے حل کرئیے
چل گل کرئیے
عبدالرحمان واصف
پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
Showing posts with label عبدالرحمان واصف. Show all posts
Showing posts with label عبدالرحمان واصف. Show all posts
Thursday, 6 July 2023
Monday, 19 June 2023
چوخے درد کماواں
پنجابی پوٹھواری پوٹھوہاری پہاڑی شاعری
اکرے
یاد نیں اُکرے
دل تختی پر جسلے جسلے باہواں
چوخے درد کماواں
عبدالرحمان واصف
Sunday, 18 June 2023
لفظاں کی لشکائی رکھ
پنجابی پوٹھواری پوٹھوہاری پہاڑی شاعری
لفظاں کی لشکائی رکھ
سنگیا ڈاٹھ بنائی رکھ
شونکے ہوا سیالے نی
یاداں نی ارضائی رکھ
ہنڑ میں گل وی نانہہ کرنا
پہھانویں ہتھ خدائی رکھ
Thursday, 25 May 2023
چوخی خاباں نی ست رنگی سک ترٹنے ساہ سدراں
پنجابی پوٹھواری پوٹھوہاری پہاڑی شاعری
چوخی خاباں نی ست رنگی، سِک، ترُٹنے ساہ، سدراں
ہک ہک پہر قیامت بنڑتا، کسرے لمّی رات لنگہھاں
کِھڑ کِھڑ ہسّن اکّھر مہھاڑی شکلا اپر جس لے میں
تہھاڑے بارے کج وی بولاں، اِنہاں کولوں مِیہنڑے کھاں
جے کد مہھاڑا اندر رُٹّھا مہھاڑی اپنڑی عادت سِیں
ہور کسے کی میں کیہ پُچھاں ہُنڑ، کیہ آخاں تے کیہ باں
Monday, 22 May 2023
لمی گل بجھانڑاں نانہہ میں
پنجابی پوٹھواری پوٹھوہاری پہاڑی شاعری
لمی گل بجھانڑاں نانہہ میں
پھنگاں ای ڈار بنانڑاں نانہہ میں
مہھاڑے نال وی ریہھنجاں تھئیاں
بخری گل ای بانڑاں نانہہ میں
جوڑ ہنگاہ سلامت مہھاڑے
لُوہلا کُھڈا کانڑاں نانہہ میں
Friday, 12 May 2023
کتھے رکھی کے درداں نی پنڈ کھولاں
پنجابی پوٹھواری پوٹھوہاری پہاڑی شاعری
لُگی چُوک
کتھے رکھی کے درداں نی پنڈ کھولاں
کھولی یاداں نا ڈوہنگا صندوق تکاں
لُگی چُوک تکاں
عبدالرحمان واصف
Monday, 8 May 2023
چپ رہسیں آخر کد تک توں
پنجابی پوٹھواری پوٹھوہاری پہاڑی شاعری
چپ رہسیں آخر کد تک توں
بنڑواسیں روز مخول یرا
کج بول یرا
عبدالرحمان واصف
سولی اپر او ظالم جلاد ٹنگو
پنجابی پوٹھواری پوٹھوہاری پہاڑی شاعری
نویں پاہت
سُولی اُپر او ظالم جلاد ٹنگو
جس اس عشقے نی شوہدی پرجہات کڈھی
نوِیں پاہت کڈھی
عبدالرحمان واصف
Sunday, 27 March 2016
جیہڑا بندہ میل دلے ناں دھونا نیں
پنجابی پوٹھواری پوٹھوہاری پہاڑی شاعری
جیہڑا بندہ میل دِلے ناں دھونا نِیں
پہانویں سوہنڑا دِسنا ہووے، سوہنڑا نِیں
تول نہ پیسے نال کِسے وہ رشتے کی
مُل جذبات ناں سنگیا چاندی سونا نِیں
عبدالرحمان واصف
ایہہ سدھراں ناں کھیڈ رواسی چھوڑ یرا
پنجابی پوٹھواری پوٹھوہاری پہاڑی شاعری
ایہہ سدھراں ناں کھیڈ رواسی، چھوڑ یرا
سب کج کھڑسی لُٹی لُہاسی، چھوڑ یرا
ادھی راتی کس نی ڈِیک جغانڑی اے
ہنڑ کیہڑا بوہا کھڑکاسی، چھوڑ یرا
جس کی چایا ای اج سِرے پر، کل تکیاں
اُووے تہاڑا خون سُکاسی، چھوڑ یرا
ڈاہڈے ویلے اسنے ریہنڑے اسرا ٹیم گزار یرا
پنجابی پوٹھواری پوٹھوہاری پہاڑی شاعری
ڈاہڈے ویلے اشنے ریہنڑے، اِسرا ٹَیم گزار یرا
ڈاہڈے ویلے اشنے ریہنڑے، اِسرا ٹَیم گزار یرا
جِسرا جِیو گزارا کرنی دنداں نے بِشکار یرا
اوخا ہووے یا فر سوخا، وقت برابر نئیں رہنڑا
جے کد گسناں ای اگے سنگیا پچھلے درد بسار یرا
عبدالرحمان واصف
یرا٭ یارا
جِیو٭ جِیب، زبان
بِشکار٭ وچکار، درمیان
اوخا٭ اوکھا
سوخا٭ سوکھا
اشنا، اسنا٭ آنا
گسنا٭ جانا
بسار٭ بسارنا، بھول جانا
Subscribe to:
Posts (Atom)