رنگ وطن: حنیف صوفی

Showing posts with label حنیف صوفی. Show all posts

Sunday, 2 April 2023

رب دی قسمے ایتھے کوئی وی سُن دا نہی

جے بندہ فریاداں رو کے پیش کرے

زورا ور دنیا وچ کوئی وی نئیں سوندا

جے بندا فریاداں رو کے پیش کرے

حنیف صوفی

اوہ وی کہندا اے ککھ نہیں کیتا

میرے کول وی صِفراں ہے سن

پر میں سو نوں لَکھ نہیں کیتا

حنیف صوفی

جہیڑیاں اُچی تھاویں تے پھڑیاں نئیں بچیاں

جہیڑیاں اپنے آپ تے تڑیاں نئیں بچیاں

ایہہ تے ٹھیک اے کلیاں شان بہاراں دی

جیہڑیاں اگل وانڈی کھڑیاں نئیں بچیاں

غرضاں دے لئی زہراں دیتیاں دھرتی نوں

فصلاں بچ گئیاں نے، چڑیاں نئیں بچیاں

اج وی اوہدے کول بہانے اوہو ای نیں

لوکی مالک بن گئے شیش محلاں دے

ساہڈی کُلی اتے کانے اوہو ای نیں

جیہڑے ازلوں سر نذرانے دیندے رئے

اج وی بندے بُھکھن بھانے اوہو ای نیں

کلیاں سُولا‌ں وچ پرو کے پیش کرے

ایس تو‌ں ود کے ہور خلوص کی ہونا اے

گلدستے وچ سپ لکو کے پیش کرے

حنیف صوفی