Showing posts with label شریف نثار مرتضوی. Show all posts
Showing posts with label شریف نثار مرتضوی. Show all posts

Wednesday, 20 November 2024

جا نہیں اسی مجبور کردے

 جدید پنجابی پوٹھواری شاعری


جا نہیں اسی مجبور کردے

جاسی کدھر پر تیرا دیوانہ دس جا

کدھر بھلکدا پھرسی انہیریاں وچ

روشن شمع بن عاجز پروانہ دس جا

کرے مجبور تے ملاں کینویں

ملاقات دا کوئی بہانہ دس جا

Saturday, 9 March 2024

وسدی دنیا اجاڑ میری

 جدید پنجابی شاعری


وسدی دُنیا اُجاڑ میری

آپوں عیش آرام وچ وسناں ایں

نال دغے فریب دے دل لے کے

ہونڑ کیوں مُنہ چُھپانڑاں تے نسناں ایں

عرضاں کیتیاں نالے ہزار ترلے

بھیت دل دے مُول نہ دسناں ایں

Tuesday, 5 March 2024

تارا صبح صادق نمودار ہویا

 پنجابی پوٹھواری پوٹھوہاری پہاڑی شاعری


تارا صبح صادق نمودار ہویا

قمری گیت پریت دے گاندی رہ گئی

اُدھر مرغ نے سحر ازان دتی

اِدھر باد صبا اٹھلاندی رہ گئی

غنچے منتظر رے موج وصل گل دے

شبنم گلاں تے قبضے جماندی رہ گئی

Monday, 5 February 2024

اہل عرفان سخن سمجھ سکدے

 جدید پنجابی شاعری


اہلِ عرفان سخن سمجھ سکدے

علم عقل جہناں نُوں ادراک ہوندا

بلا شبہ ارشادِ خُدا ہے وہ

جو فرمان ہے شاہِ لولاکؐ ہوندا

جس تے زہرہؑ ناشاد ارشادِ نبویؐ

ہے ناراض اس تے نبیؐ پاک ہوندا

Saturday, 29 July 2023

تیری بعد شہادت دے ویر امت

 عارفانہ کلام حمد نعت منقبت سلام


تیریؑ بعد شہادت دے وِیر اُمت

لُٹ وِچ خیام مچاندی رہ گئی

نہ لحاظ رسولﷺ نہ خوف رب دا

بلکہ اگ لا خیمے جلاندی رہ گئی

تیرا پُتر بیمار وِچ غش دے سی

تلیاں چس کے ہوش وچ لاندی رہ گئی

Thursday, 6 July 2023

فلک ستارے تے چن سورج

 پنجابی پوٹھواری پوٹھوہاری پہاڑی شاعری


فلک ستارے تے چن سورج

صبح صادق دی ہوا روانی جُو

باغ بوستاں شجر میدان اندر

غنچے شاخ کلیاں برگ و گل خوشبُو

دیکھ منظر رنگ برنگ قدرت

سن پی پی پپہیاں دی کوئل دی کُو

Friday, 9 June 2023

شوق سانوں ہاتھی ویکھے دا

 پنجابی پوٹھواری پوٹھوہاری پہاڑی شاعری


شوق سانوں ہاتھی ویکھے دا

چار انھیاں کسے نوں بول دسیا

صاحب نظر لے گیا ہمراہ کوئی

ہاتھی نال تسلی جا کول دسیا

چوواں مختلف چار جا ہتھ لایا

ہوندا ہاتھی کی مطلب ٹٹول دسیا

Saturday, 13 May 2023

علم و ادب دے چراغ سب گل

پنجابی پوٹھواری پوٹھوہاری پہاڑی شاعری


علم و ادب دے چراغ سب گُل

بزم تیرہ و تار ہے گُھپ گُھپ گُھپ

لوک تُہپ وچ چھاں دی تلاش کردے

ملے چھاں تے پکاردے تُہپ تُہپ تُہپ

ایسی الٹی زمانے وچ ہوا چُلہی

وار یاری دے پردے وچ چُھپ چُھپ چُھپ

Friday, 12 May 2023

ماسٹر شریف نثار مرتضوی (شخصی و علمی تعارف و حالات زندگی)

ماسٹر شریف نثار مرتضوی

راجہ محمد شریف جنجوعہ 1928 کو راجہ کالا خان جنجوعہ کے گھر موہڑہ راجوال تھوہا خالصہ، تحصیل کہوٹہ، ضلع راولپنڈی میں پیدا ہوئے۔ آپ نے تھوہا خالصہ کے مڈل سکول سے مڈل تک تعلیم حاصل کی جو کہ اس وقت کے لحاظ سے قدرے بہتر تعلیم سمجھی جاتی تھی۔ اس لیے بھی کہ اس وقت اس علاقے میں بہت کم لوگ پڑھے لکھے ہوتے تھے۔ ان کے سکول کے زیادہ تر ٹیچر ہندو ہی تھے۔ مسلمان استاد خال خال ہی تھے جن میں سے ایک استاد تھوہا خالصہ گاؤں کے ہی زمان علی مرحوم تھے۔ ماسٹر شریف نثار صاحب حصول علم کے بعد 1950 کے دوران سکول ٹیچر بھرتی ہو گئے۔ انہوں نے تھوہا خالصہ، مٹور، کلر سیداں، بھورا حیال اور بھلاکر کے علاقے کے سکولوں میں ٹیچنگ کے فرائض سرانجام دئیے۔ ذوالفقار علی بھٹو کے دور میں قومیائے گئے عزیز نیشنل ہائی سکول لالکڑتی راولپنڈی میں بھی ٹیچنگ کے فرائض سر انجام دئیے، آپ تقریباً 35 سال تک شعبۂ تعلیم سے منسلک رہے۔ آپ 80 کی دہائی میں ریٹائر ہو گئے، ریٹائرمنٹ کے بعد ماسٹر نثار صاحب اپنے محلے کے بچوں کو قرآن کی تعلیم بھی دیتے تھے۔ ماسٹر صاحب کو پنجابی، پوٹھوہاری، اردو اور فارسی کے علاوہ عربی پہ بھی کافی حد تک عبور حاصل تھا۔ بظاہر ان کی سکول کی تعلیم مڈل تھی، لیکن بڑے بڑے پڑھے لکھے لوگ اور عالم ان کی علمیت کا دم بھرتے تھے۔ ماسٹر صاحب نے پنجابی، پوٹھوہاری کے علاوہ اردو اور فارسی میں بھی شاعری کی ہے۔ انہوں نے شروع میں کچھ شعر زخمی تخلص سے لکھے

Sunday, 27 September 2020

کربلا وچ رہ جاندا سی تیرا بھرم جے برساوندا خاطر سادات پانی

 برس تھم کے زرا ابرِ کرم

تینوں مصطفٰیؐ دا ہوندا کچھ بھی شرم

کربلا وچ رہ جاندا سی تیرا بھرم

جے برساوندا خاطر سادات پانی

Friday, 22 March 2019

وسدی دنیا اجاڑ میری

وَسدی دنیا اجاڑ میری
آپوں عیش آرام وِچ وَسناں ایں
نال دَغے فریب دے دل لے کے
ہُنڑ کیوں منہ چھپانڑاں تے نسناں ایں
عرضاں کیتیاں نالے ہزار ترلے
بھیت دل دے مول نہ دسناں ایں
لُٹ کے دین ایمان نثاؔر میرا
پیا تکدا تماشے تے ہسناں ایں

ماسٹر شریف نثار مرتضوی

Monday, 30 October 2017

جہڑے یار دی گلی خوار ہوندے

جیہڑے یار دی گلی خوار ہوندے
رب انہاں دیاں شاناں بلند کردا
سچی نیت رکھ ہو بد نیت نائیں
پال پریت سوہنا ایہو پند کردا

خوش قسمت نے او لوگ بھائیو جہڑے پرچم حسینی بلند کردے

خوش قسمت نے اوہ لوگ بھائیو
جہڑے پرچم حسینی بلند کردے
کر کے محسن انسانیت دی یاد تازہ
حاصل دین دنیا اوہ عقلمند کردے
بے شک اوہ جنت خرید لیندے
جہڑے پاکاں دی مجلس پسند کردے
رشتہ دار نثاؔر یزید دے اوہ
جہڑے ذکر حسین دا بند کردے

ماسٹر شریف نثار مرتضوی

ہے سی خدا پر خدا دا گھر نال فرضی خداواں سی رچا ہویا

بر ولادت مولا علی

ہے سی خدا پر خدا دا گھر 
نال فرضی خداواں سی رچا ہویا
کہندے کعبہ دی شق دیوار ہو گئی 
پیدا اللہ دے گھر وچ اک بچا ہویا

رشوت لے کے اج کمایا کی اے

کئی افسر ماتحت توں روز پچھدے
رشوت لے کے اج کمایا کی اے
میرے گھر دے خرچ دا ہیں واقف
خورد و نوش سامان پہنچایا کی اے
تیرے اپنے سگریٹ تے چاء روٹی
کر کے خرچ تے اج بچایا کی اے
جھوٹ بول معطل نثار نہ ہو
سچی دس تیرے کول بقایا کی اے

ماسٹر شریف نثار مرتضوی

Thursday, 7 September 2017

ایویں پار کتاباں ناں چانڑے رے آں

خبرے اس زمانے نی بڑی یاد اسنی
جدوں چائی بستہ سکول در جانڑے رے آں
خوشی نال سکول دے وچ یارو
سارا سبق استاداں کی سنانڑے رے آں
جدوں ہوندا سبق یاد نی سی
کن لپڑی کے ڈنڈے وی کھانڑے رے آں
آخر پڑھن نی آیا نثارؔ کاری
ایویں پار کتاباں ناں چانڑے رے آں

ماسٹر شریف نثار مرتضوی

Thursday, 9 March 2017

قدم قدم تے کیتی راہنمائی

قدم قدم تے کیتی راہ نمائی
بڑے حوصلے اس اللہ نے شیر دتے
کوشش آل محمدﷺ دے دشمناں تے
نال سخنوری پانی پھیر دتے
نال آیت حدیث جواب دے کے
قلمکار کر منکر سب زیر دتے
راج ہنس ہمیشہ نثاؔر چگن 
علم و ادب دے موتی بکھیر دتے

ماسٹر شریف نثار مرتضوی

وچ محفلاں ذکر اذکار ہوندا

شعراء کو میرے خلاف شکوہ
وچ محفلاں ذکر اذکار ہوندا
اہل بیت دے در تے نہ آ جھکدا
اج بڑا ہی بلند وقار ہوندا
احترام  ہر اک شاعر پوٹھوار کردا
سخن گو ہر اک پرستار ہوندا
تینوں ولی نثاؔر تسلیم کردے
جے شبیر دا نہ ماتم دار ہوندا

ماسٹر شریف نثار مرتضوی

Wednesday, 21 December 2016

نظر جناب توں دور ہواں

نظر جناب توں دور ہواں
ایہ تے آرزو میری حبیب نہیں سی
اچن چیت وچھوڑے نے گھیر لیا
میل قدرت نوں ساڈا منظور نہیں سی
اہل راہ وچ لکھاں رکاوٹاں سن
اللہ جاندا میرا قصور نہیں سی
بے بس غریب ساں دور وطنوں
پر نثار دل دلاں تھیں دور نہیں سی

ماسٹر شریف نثار مرتضوی

Wednesday, 23 November 2016

جہڑے ہوندے نے تخم حلال یارا وعدے یاد رکهدے دلبر جانیاں دے

جہڑے ہوندے نے تخم حلال یارا
وعدے یاد رکهدے دلبر جانیاں دے
وعدہ پُہلنا کم تخم حلال دا نہیں
اے تے وصف کرتوت انجانیاں دے
انہاں لا کے کی مڑ توڑ کرنی
جہناں چاۓ ہوۓ کوڑ بے ایمانیاں دے
مرد مرداں سنگ رکهدے نثارؔ یاری
ہوندے جاہل شوقین زنانیاں دے

ماسٹر شریف نثار مرتضوی