رنگ وطن: ردا فاطمہ

Showing posts with label ردا فاطمہ. Show all posts

Sunday, 1 September 2024

جدید پنجابی شاعری

کل میں اوہنوں کال کراں گی

گَلاں اپنے نال کراں گی

پکّی اِٹ نینہ تے رکھ کے

سُنجے سُفنے لال کراں گی

مِل کے مُڑنا سوکھا تے نہیں

فر وی سانجھا حال کراں گی

جدید پنجابی شاعری

اکھیاں وچ نے اُگدے ہنجُو

کِھڑ کِھڑ ہسّن میرے ہنجو

ایداں جگ وِچ رہنا لَگے

جیداں قبراں موہرے ہنجو

تیرے نیڑے وگدے ریندے

تُوں نہ ویکھے سنگدے ہنجو

جدید پنجابی شاعری

وڈھی دِھی

ماں وی متّھا تد چمدی اے

جد کسے نوں دسنا ہووے

سُگھڑ تے کرماں والی دھی اے

پے وی ناں تد لیندا اے

جد کسے نوں دسنا ہووے

میری پُتراں ورگی دھی اے

جدید پنجابی شاعری

ٹھگّاں تینوں رج کے ٹھگیا وے ربّا

مذہبی چورن ہٹّی وِکیا وے ربا

مُلّے دا بہروپ مداری نے پایا

فیر مسیتی گج کے وجیا وے ربا

میں گھر وچ توں عرشاں تے کلہا ریندا

فرشی بندہ مار مکایا وے ربا