پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
پنجابی سرائیکی شاعری
ہِک واری تاں پاگل بن تے اینجھا حال کریسوں
وال کھنڈیسوں بھونڈن وانگوں اکھیں لال کریسوں
لوکیں چندر کوں ڈیکھن کیتے کیا کیا حربے کیتے
اساں چندر کوں ڈیکھن کیتے ویڈیو کال کریسوں
ہک ڈینہ زہر اگلنا پوسے تیڈے کرتوتیں دا
کے تئیں اساں تیڈے بارے سوہنی گالھ کریسوں
اے وستیاں ایہے ویہڑے جڈاں پکے تھیسن
لوکی اپنے گھریں اندر بہہ تے مونجھے تھیسن
ہک ڈینہہ ساڈے نینگر اپنے دیس کمیسن روزی
ہک ڈینہہ وستی دے پردیسی وستی کٹھے تھیسن
یاد کریسن نکے لا دے سب جھگڑے تے جھیڑے
دھیاں بھینیں جڈاں اپنے گھر توں پَرے تھیسن
رنگ رنگیلے کپڑے پا تے مونجھ گھٹیندے ہیسے
جے کوئی ساکوں گالھ بھلے تاں کن کھنیندے ہیسے
کیکر ٹالھی منڈھ توں ساڈی وستی دے رکھوالے
بیر اساڈے یار کوں بھاندن تہوں رہیندے ہیسے
کون سمجھدے کرب اساڈا، کون بچیسی چھل توں
مال مویشی کھول رُنوسے، بال لُکیندے ہیسے
