ایتھے کسراں دل میں لاواں

 ایتھے کِسراں دل میں لاواں

ساہ دی ڈور اُدھاری رکھاں

بندے بندے جُون وٹائی

بُوہے جندرے ماری رکھاں

آتش کیانی

ایہدی خاطر جہڑا نسیا اوہدے ہتھ نہ آئی دنیا

 ایہدی خاطر جیہڑا نسیا اوہدے ہتھ نہ آئی دنیا

جہناں مُکھ پرتایا اس توں پیراں ہیٹھ سمائی دنیا

جوگی والا پھیرا ایتھے، سُفنے عمراں بدھے سوچو

جو وی اوہدے راز نوں سمجھے اوہناں چت نہ لائی دنیا

اس جشن بہاراں کیہ کرنا جس دل دا موسم بدلے نہ

پیسے نال سکھ نہیں لبھدے کوڑی سوچ بنائی دنیا

دل دیاں کندھاں اتے میں

 دل دیاں کندھاں اُتے میں

اِکو نقش اُتاری رکھاں

فکراں دے اِس ملبے اندر

یاداں دی الماری رکھاں

آتش کیانی

پیار دے بیج کھلاری رکھاں

 پیار دے بیج کھلاری رکھاں

دل نوں صدقے واری رکھاں

نفرت دی جڑ کپّن دے لئی

لوبھاں دے سر آری رکھاں

اوہدے لئی میں سبھ توں ہٹ کے

سَدھر اِک نیاری رکھاں

دم دا کیہ بھرواسا جیون اک تماشا

 جیون اک تماشا

جیویں ٹیشن رُکدی ریل

جیویں ساون پھٹدی ویل

جیویں پانی وچ پتاسا

جیون اک تماشا

جیویں کوڑے یار دی یاری

جیویں کنڈیاں بھری کنڈیاری