وید سیانا کوئی جے دسے

 سدھراں

وید سیانا کوئی جے دسے

پُچھاں اونھوں دس وے ویدا

دل مکان دے راز اسانوں

دل دا بوہا کیہڑے پاسے؟

کنڈا، کڑی وی ہے کوئی ایدی

جے کر لگدا ہووے کوئی

پنکھ پکھیرو اڈدے پھردے وچ نیلے اسماناں

 پنکھ پکھیرو اُڈدے پھردے وچ نیلے اسماناں

ہر ہر غم توں ویلے ہو کے لمبیاں لین اڑاناں

میرا جی وی چاہندا اے اُڈ جاواں مار اُڈاری

سُتا چھڈ کے دنیا نوں جس ویلے ہون اذاناں

فاروق احمد بھٹی

میرا دیس اے سوہنا جگ توں اے

 میرا دیس اے سوہنا جگ توں اے

ایدا نام اُچیرا سب توں اے

سب دشمن ایدے ہون ذلیل

میری عرض اے سوہنے رب توں اے

فاروق احمد بھٹی

تسیں سب کج جان کے انجانے تاں ٹھہرے او فنکار سجن

تسیں سب کج جان کے انجانے، تاں ٹھہرے او فنکار سجن

کیوں پچھیے نہ بیوپار سجن، کیویں اوکھا کاروبار سجن؟

تسیں آپ محبتاں والے او، اسی سُنیا اے دل والے او

کی ڈرنا وچ منجدھار دے فر، جد کیتا ہووے جے پیار سجن

فاروق احمد بھٹی

کج دسو سانوں یار سجن اے اکھیاں دا بیوپار سجن

 کج دسو سانوں یار سجن، اے اکھیاں دا بیوپار سجن؟

کج حرف محبت بارے دس، تُو انج نہ کر ہُن یار سجن

کن ترسن تیریاں گلاں نُوں، نہ سمجھیں میریاں گلاں نُوں

نہ ایڈا بن تُوں کملا ہُن، توں ڈاھڈا ایں فنکار سجن

فاروق احمد بھٹی