کندھاں دے وی کن ہوندے نیں ہولی بول

 جدید پنجابی شاعری

کندھاں دے وی کن ہوندے نیں ہولی بول

جھیباں دے وی پھن ہوندے نیں ہولی بول

توں رونی ایں اپنے چن پردیسی نوں

ہوراں دے وی چن ہوندے نیں ہولی بول

آصف علی علوی

بے عقلاں تے چھاپے پئے تے جھلے کدھر جاون گے

 جدید پنجابی شاعری

بے عقلاں تے چھاپے پئے تے جھلّے کِدھر جاون گے

پیار محبت والے چھاپاں چھلّے کدھر جاون گے

جس دن سچ نتّر کے ساویں آن کھلوتا بندیاں دے

لے کے جُھوٹھی واہ واہ بَلّے بَلّے کدھر جاون گے

آصف علی علوی

گٹھ مربع مونہہ دا خرچہ

 جدید پنجابی شاعری

بُوتھی پالر

گِٹھ مربع مُونہہ دا خرچہ

گھٹ جاوے جے نونہہ دا خرچہ

میک اپ باہج جے کرن گزارا

بندہ کوئی نہ رہووے کوارہ

بچے رج کے روٹی کھاون

جے نہ بوتھی پالر جاون

دل وچ پیڑاں مکھ تے ہاسے ویکھ رہیاں

 جدید پنجابی شاعری

دل وِچ پِیڑاں مُکھ تے ہاسے ویکھ رہیاں

میں تصویر دے دوویں پاسے ویکھ رہیاں

بُھکھیاں دے بُلھاں تے ویکھے جندرے میں

رجیاں دے ہتھاں وِچ کاسے ویکھ رہیاں

جنج تے وِین سُنے میں دِھی نمانی دے

پھوہڑی اُتے چھج پتاسے ویکھ رہیاں

گل وچ پھسی چیک اے حالے

 جدید پنجابی شاعری

گل وچ پھسّی چِیک اے حالے

اکھیاں وِچ اُڈیک اے حالے

کیہ پُچھدے او حال اساڈا

کیہ دَسیے بس ٹھیک اے حالے

وَیری تینوں فیر مِلاں گا

میرے نال شریک اے حالے

کدے انسان ہوندے نیں کدے حیوان ہوندے نیں

 جدید پنجابی شاعری

کدے انسان ہوندے نیں کدے حیوان ہوندے نیں

ذرا اندروں پھرولو تے بڑے شیطان ہوندے نیں

سویرے کہہ کے جاندے نیں جو اک واری خدا حافظ

اوہو سالے ای شاماں نوں مِرے مہمان ہوندے نیں

کریں سودا تُوں بُھل کے وی نہ دیوی نال درشن دا

بپاراں وِچ کدے فیدے، کدے نقصان ہوندے نیں