Showing posts with label احمد راہی. Show all posts
Showing posts with label احمد راہی. Show all posts

Tuesday, 24 March 2026

اوہ رات نہ آئی مڑ اوہ چن نہ چڑھیا

 جدید پنجابی شاعری


اوہ رات نہ آئی

مُڑ اوہ چن نہ چڑھیا

مُڑ اوہ نُور نہ کِھنڈیا

ٹوہ ٹوہ کالے شاہ ہنیرے

رو رو رات لنگھائی

مُڑ اوہ رات نہ آئی

Saturday, 19 October 2024

اجے نواں نواں اَمبیاں نوں بور

 جدید پنجابی شاعری


اجے نواں نواں اَمبیاں نوں بُور

اَجے ہونٹاں وِچ اَن چھوئیاں کلیاں  دے رس 

اجے باہواں وچ سجریاں شاخاں دی ہلور

اجے اَن کِھڑے پُھلاں جیہی ہاسیاں دی دکھ

اجے ٹوراں وچ چڑھدیاں پینگاں والا زور

Tuesday, 19 December 2023

تینوں بھل گئیاں ساڈیاں چاہواں

 جدید پنجابی شاعری گیت


تینوں بُھل گئیاں ساڈیاں چاہواں

وے اساں تینوں کی آکھناں

ساڈے لیکھاں وِچ لِکھیاں نے ہاواں

وے اساں تینوں کی آکھنا


دِل دِتّا سی میں تینُوں

دھوکھا دِتّا اے تُوں مینُوں

Saturday, 12 August 2023

کوئی نواں لارا لا کے مینوں رول جا

 پنجابی فلمی گیت


کوئی نواں لارا لا کے مینوں رول جا

جُھوٹھیا وے اک جُھوٹھ ہور بول جا


موڑ جا وے جیہڑا میتھوں دل لِتا سی

مینوں تے جِیندوں جانی مار دِتا ای

میں تے نئیوں ڈولنا تُوں پاویں ڈول جا

جھوٹھیا وے اک جھوٹھ ہور بول جا

Saturday, 4 March 2023

جدوں تیری دنیا توں پیار ٹر جائے گا

پنجابی فلمی گیت


جدوں تیری دنیا توں پیار ٹُر جائے گا

دس فیر دنیا تے کی رہ جائے گا 

جدوں تیری دنیا توں ۔۔۔۔


جدوں کوئی پیار دیاں قسماں نہ کھائے گا 

دس فیر دنیا تے کی رہ جائے گا

Wednesday, 15 February 2023

میری چنی دیاں ریشمی تنداں

 پنجابی فلمی گیت


میری چُنی دیاں ریشمی تنداں

وے میں گُھٹ گُھٹ دینیاں گنڈاں

کہ چناں تیری یاد ناں پُہلے

میری چنی دیاں ریشمی تنداں


میرے ساہواں نال آویں جاویں

میری پلکاں دی لاج نبھاویں

Sunday, 22 November 2020

ککلی کلیر دی نی ککلی کلیر دی

 ککلی کلیر دی نی ککلی کلیر دی

چھلاں پئی ماردی جوانی جٹی ہیر دی

ککلی کلیر دی نی ککلی کلیر دی


چڑھدی جوانی نال چڑھ گیا بھا نی

نویں نویں جوبناں دے نویں نویں چا نی

جندڑی نہ رول دیویں کسے دلگیر دی

Tuesday, 13 October 2020

کچ دیا چوڑیا وے

فلمی گیت


 کچ دیا چُوڑیا وے

جس دی نشانی ایں تُوں اوہ ساڈے کول نہ

چھیڑ چھیڑ پچھلیاں گلاں جند میری رول نہ

کچ دیا چوڑیا وے 


کچا سانوں دے گیا نشانیاں کچ دیاں

کھل گئیاں سبھے گلاں ہن جھوٹھ سچ دیاں

Wednesday, 2 September 2015

او ونجلی والڑیا وے توں تاں موہ لئ او مٹیار


او ونجلی والڑیا وے تُوں تاں موہ لئ او مُٹیار 
کدی نئیں جِنے سی مَنی ہار تینوں کر بیٹھی اُو پیار 
ونجلی والڑیا! وے ایہہ گل بھُلیں ناں 

او نیناں والڑِیے نی میری ونجلی دی تُوں ایں تان 
تُوں ائ میرا دین ایمان تیھتوں وار دیاں جِند جان 
نینان والڑِیے نی ایہہ گل بھُلیں ناں 

حشر دیہاڑے تائیں شالا رُک جاون ایہہ ویلے 
پیار دے جِتھے پھُل کھِڑے نیں سدا اوہ مہکن بیلے 
نی تیرے دم دے نال بہار، وے تُوں ایں میرا ہار سنگھار 
وے ساڈا روز ازل دا پیار نیناں والڑِیے وے ایہہ گل بھلیں ناں
نی ایہہ گل بھُلیں ناں

میرے دل وچ چانن کیتا رُوپ تیرے دیاں لوواں 
رات دِنے میں کراں دعاواں تیتھوں دُور نہ ہوواں 
نی کریے پکے قول قرار وے جگ دی لکھ پئی آوے وار 
اساں تے توڑ نبھاناں پیار نیناں والڑِیے وے اے گل بھُلیں ناں 
نی ایہہ گل بھُلیں ناں

او ونجلی والڑیا وے تُوں تاں موہ لئ اوہ مُٹیار 
کدی نئیں جنے سی منی ہار تینوں کر بیٹھی اُو پیار 
ونجلی والڑیا وے ایہہ گل بھُلیں ناں 
نی ایہہ گل بھُلیں ناں 

احمد راہی

سن ونجلی دی مٹھڑی تان وے


سن ونجلی دی مٹھڑی تان وے
میں تاں ہو ہو گئی قربان وے
ونجلی دی تان وچ روح میری بولدی
عمراں دے کجے ہوئے بھیت پئی کھولدی
ساڈی ازلاں دی جان پچھان وے
میں تاں ہو ہو گئی قربان وے
دونویں پاسے چڑھی اے جوانی والی رُت وے
جند ساڈی اک ہوئی بھانویں دو بُت وے
مینوں اپنے تُوں وکھری ناں جان وے
میں تاں ہو ہو گئی قربان وے
تک تک تینوں میرے نین نئیں رَجدے
تیرے بناں بھلیاں تے ہاسے نئیوں سجدے
شالا نت تُوں جوانیاں مان وے
میں تاں ہو ہو گئی قربان وے

احمد راہی

Sunday, 29 December 2013

اج دی رات اخیر وے رانجھن

اَج دی رات اخِیر

اَج دی رات اخِیر، وے رانجھن
قِصّہ بَن جاؤُ ہِیر

ڈھاواں مارَن گے ہُن بیلے
کَھیہہ اُڈاون گے اوہ ویلے
جِنھاں دے اوہلے اِک مِک ہوئی
میری تیری تقدِیر، وے رانجھن

رکھ ڈولدے تے اکھ نئیں لگدی نمی نمی وا وگدی

نِمّی نِمّی وَا وَگدِی

رُکھ ڈولدے تے اَکھ نَئیں لَگدِی
نِمّی نِمّی وَا وَگدِی
سانُوں ٹَھگ گئی یاد اِک ٹَھگ دِی
نِمّی نِمّی وَا وَگدِی

راہواں تَک تَک، تَک تَک، تھکَدِیاں نہ
اَکّھاں اَکدِیاں نہ

جے توں مرزا ہندوں رانجھیا

جے تُوں مرزا ہُندوں رانجھیا
تے میں تَتڑی زہر نہ پَھکدی
ساڈے پیار دی سانجھی پینگ نُوں
بھیڑیا موت وی توڑ نہ سَکدی
تیری کَڑی کمان دے مان تے
وے میں کیدو، قاضی ڈَکدی

نی مٹیارے ونج کرن ونجارے

نی مُٹیارے

پہلاں ہَس ہَس لاندے
گُوہڑیاں پاندے
ہَسدیاں رَسدیاں مُٹیاراں نُوں
ہَنجُواں دے وَس پا کے
مُڑ ٹُر جاندے

جان والیا جے توں چھڈ کے ٹر جانا سی

جان والیا

جے تُوں چھڈ کے ٹُر جانا سی
پیار دی کھیڈ رچائی کیوں سی
دے کے قول جے پھر جانا سی
دل دی بازی لائی کیوں سی
مینُوں جس دا ڈر سی چنّاں
اوڑک اوہ گل ہو کے رہئی

ٹانویں تارے کلے کلے رکھ نے تے ٹانویں ٹانویں تارے

ٹانویں تارے

کلّے کلّے رُکھ نے تے ٹانویں ٹانویں تارے
سہکدے نے تیریاں وچھوڑیاں دے مارے
ٹانویں ٹانویں تارے

بُھلّے میرے لیکھ، تیرے وعدیاں تے بُھل گئی
پیار دیاں لشکدیاں رنگاں اُتّے ڈُلّھ پئی
گہری گہری اَکھّیں مینوں تکدے نے سارے