کل تس ءچ مردے پئے ہاسے آج نک تک پانڑی بوڑی پئے

 جدید پنجابی سرائیکی شاعری

کل تس ءچ مردے پئے ہاسے آج نک تک پانڑی بوڑی پئے 

ہک مینہہ نئیں چاونڑ سر ڈیندا بیا نائیں دا پانڑی لوڑھی پئے 

تریجھا ظالم حاکم سر تے ہے جیرھا پل پل خون نچوڑی پئے 

بے انت گناہیں کوں ڈیکھ کرائیں رب قہر دے ابھر تروڑی پئے 

ہر پاسے موت دا منظر ہے ایڈو چھل آئی اے اوڈو نائیں آئی اے

ہر کہیں کوں اپنڑی پئی ہوئی اے ہر شخص دے منہ تے میں آئی اے 

وت کلھپ دی کربلا ہے میں ہمی

 جدید پنجابی سرائیکی شاعری

وت کلھپ دی کربلا ہے، میں ہمی

موُنجھ ہے تیڈی خُدا ہے، میں ہمی

تاڑ کے شیشے دو اَج کیوں چھِرک پئیں

خیر ہئی کیا تھی گیا ہے، میں ہمی

سر تے سایۂ، وینڑ ناں دی ڈئینڑ دا

جِتھ وی روونڑ دا الا ہے، میں ہمی

توں کیا جانڑیں کیویں مونجھ تیڈی ساڈے سینے ساڑ گزردی ہے

 جدید پنجابی سرائیکی شاعری 

توں کیا جانڑیں کیویں مونجھ تیڈی ساڈے سینے ساڑ گزردی ہے 

جیویں مینہہ دے موسم بیلے وچ نائیں چیر پھاڑ گزردی ہھے 

تیڈی یاد وی بہوں برباد کیتے نت زخم اُکھاڑ گزردی ہے 

تیڈے در دے صاحب نوکر ہیں، مخلوق لتاڑ گزردی ہے

صاحب لغاری