رنگ وطن: امجد بلوچ

Showing posts with label امجد بلوچ. Show all posts

Saturday, 13 April 2024

جدید پنجابی سرائیکی شاعری

ول وی روون دا ڈا نہیں آیا

بھانویں جتنا ریاض کیتے می

راز قصے دے وچ کھلیے سارا

جڈاں قصہ دراز کیتے می

راگ دیپک اجاں چھڑیا نینی

میں تاں سازیں کوں ساز کیتے می

جدید پنجابی سرائیکی شاعری

کہیں بھرا دی منیج گئی ہوسی

ویڑھے کندھی ڈویج گئی ہوسی

اوں آلایا ہا سچ بھراویں کوں

میکوں لگدئے مریج گئی ہوسی

پیو دا ورثہ زمین ست مرلے

مرلہ مرلہ ونڈیج گئی ہوسی

جدید پنجابی سرائیکی شاعری

شام تھیسی تاں شام کوں ملسوں

آکھیا ہا سی غلام کوں ملسوں

میں وی اپنڑے خدا کو ملنڑا ہا

اوں وی آکھیا ہا رام کوں ملسوں

نال ساقی اساڈی نہیں بنڑدی

جام ملسی تاں جام کوں ملسوں