جیہڑا چنگا ہوندا اے

 جدید پنجابی شاعری

جیہڑا چنگا ہوندا اے

چِٹا ننگا ہوندا اے

رب دے بارے سُنیا اے

ماواں رنگا ہوندا اے

عشق، جوانی ویلے دا

سوہنا پنگا ہوندا اے

دل وچ آساں لکھاں رکھاں

 پنجابی سرائیکی شاعری

دل وچ آساں لَکھاں، رکھاں

بُوہے تے دو اکھاں، رکھاں

تیری یاد دا گُڑ وے ماہی

جھٹ جھٹ چُکاں، چَکھاں، رکھاں

ماں کہندی اے ڈر جانا ایں

تاہیوں گل وچ رکھاں، رکھاں

جو کسے دے حافظے وچ رہ گیا

جو کسے دے حافظے وچ رہ گیا

یاد رکھنا اوہ نفعے وچ رہ گیا

اج مکمل ہو گیا دوجا کوئی

میں وچارا مرحلے وچ رہ گیا

سوچ دی دیوار تے مصرع لکھو

مر گیا جو دائرے وچ رہ گیا

پہلوں دکھ نے مار کے بندے پٹھے ٹنگے

پہلوں دُکھ نے مار کے بندے پُٹھے ٹنگے

مگروں بُھکھ نے آ کے کِیتے چنگے سِدھے

شمشاد علی بابر

چاواں دے گل گھٹے جاندے

چاہواں دے گَل گھُٹے جاندے

جذبے ایتھے لُٹے جاندے

روک لوو جے روکے جاون

دھرتی تے دُکھ پھُٹے جاندے

شمشاد علی بابر

روون لئی سن رو دتا اے اکھاں نیں

روون لئی سن رو دِتا اے اَکھاں نیں

رو رو کَجل دھو دِتا اے اَکھاں نیں

تانگھاں والی سَپنی ساہواں پی لئیاں

لے ہُن بُوہا ڈھو دِتا اے اَکھاں نیں

شمشاد علی بابر

دن دے بدلے رات لئی اے

دن دے بدلے رات لئی اے

جی میں آپے مات لئی اے

ربا ایہہ جو بُھکھ اے جگ تے

ساڈے لیکھ برات لئی اے

لڑن لئی نہیں توپاں لئیاں

کاغذ، قلم، دوات لئی اے

اتھر اتھر تبکا تبکا چویا کر

اَتھر اَتھر تُبکا تُبکا چویا کر

چندری اَکھ نوں کہناں، تھوڑا رویا کر

غزل دا مطلب چِیک اے زخمی ہرنی دی

اِک اِک شعر چ اِک اِک روگ پِرویا کر

جوگی باوا تینوں جوگی تاں مناں

منتر پڑھ کے بھُکھ دا ناگ گڈویا کر