رنگ وطن: ذاکر جہلمی

Showing posts with label ذاکر جہلمی. Show all posts

Tuesday, 9 January 2024

کلاسیکی پنجابی شاعری

غربتِ وطن دے قید خانے

مینوں صبر دسیا اعتدال دسیا

خود پرستی زر مستی دے بھرے میلے

اُنس آدم دا ماتمی حال دسیا

دسیا اِک تکبر عرفان اندھا

نالے خانہ خلوص کنگال دسیا

کلاسیکی پنجابی شاعری

غُربتِ وطن لکھ راحت بخشے

لذتِ وطن آبائی جُدا جئی اے

لقمہ قلت میں رہے گُزران بھانویں

لگدی فیر وی انمول عطا جئی اے

زر تیغ اس گنجِ قارون خاطر

ہوندی بے توقیری بد راہ جئی اے

کلاسیکی پنجابی شاعری

مایہ مداوا عزتِ نفس دی نہیں

زر دی چمک بیشک خوش نما جہی اے

ملے راحت جو آزادیاں صرف کر کے

او خوشی وی لگدی سزا جہی اے

جیوے جو گزران کمتر ہو کے

لگدی او حیات گناہ جہی اے