رنگ وطن: ماجد چودھری

Showing posts with label ماجد چودھری. Show all posts

Wednesday, 14 December 2022

میں پُتلا سچی خاک دا

میرے قدمی ڈِٹھا نور

میں حدوں ود مُختار ساں

اَج حدوں ودھ مجبور

ماجد چودھری

مِرے مٹی رُل گئے چاہ

مینوں خالق نے تخلیقیا

تے خلقت دِتا ڈھاہ

ماجد چودھری

الف اڈیک سجناں دی تڑپوندی اے ہجراں وِچ

کتھے تُر گیا ایں وِچھوڑے پا کے سجناں وے

ماجد اے سال وی تینوں اڈیک دیاں لنگ گیا اے

لگدا اے نویں سال وی لنگ جانا اے وِچھوڑیاں وِچ

ماجد چودھری

میں لکھ ہساواں لوکاں نوں

میں لکھ وٹاواں جوگ

میرا انگ انگ چیکاں ماردا

مینوں اندروں کها گے سوگ

میں چار جماعتاں کی پڑهیاں

مینوں طعنے مارن لوگ