پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
جدید پنجابی سرائیکی شاعری
چہرہ پُھلیں وانگے اکھیں رت ورتیاں ہوسن
بیریں دے وچ شیت کہیں دیاں اکھیں پھتیاں ہوسن
اُوندے گھر دے رستے سارے مُونجھے مُونجھے ڈسدن
اُوندی وستی کُونجاں بن تے اکھیں لتھیاں ہوسن
قصے دے وچ اج تئیں ساکوں بُڈھڑی مئی نی وسری
شیت اساڈیاں چرخے وچ اوں اکھیں کتیاں ہوسن
جدید پنجابی سرائیکی شاعری
کُجھ کریں ہا وے یار مُونجھیں دی
جھار سر توں اُڈار مونجھیں دی
پیریں ڈاونڑ میکوں حیاتی دے
کنڈ تے خلقت سوار مونجھیں دی
سر تے مونجھیں دا بار چآتا ہے
شیئت اے وی ہے کار مونجھیں دی
جدید پنجابی سرائیکی شاعری
نیل فلک دا نیلا رنگ اے
سچ تے حق دا نیلا رنگ اے
سندھو سیں دے اکھیں دے وچ
یار چھلکدا نیلا رنگ اے
خاص نشانی پیار امن دی
ایں اجرک دا نیلا رنگ اے
