رکھ ساوے تے گوڑھیاں چھانواں

 جدید پنجابی شاعری

رُکھ ساوے تے گُوڑھیاں چھانواں

میرے پنڈ دیاں کُھلیاں تھانواں 

رحمت رب دی ٹھاٹھاں ماردی

جس پاسے وی میں ٹُر جاواں

سارے جی رجا دیندیاں سن

بُوریاں مجاں، دیسی گانواں

ایڈی سوکھی گل نئیں ہوندی

 جدید پنجابی شاعری

ایڈی سوکھی گل نئیں ہوندی

چھیتی مشکل حل نئیں ہوندی

سویر دی آس نہ لَے کے آویں

سوہنیا ساڈے ول نئیں ہوندی

وٹا وجیا پانی دے وچ

ایویں تاں ہلچل نئیں ہوندی

وڈھے سفنے سوچ رئے آں ویکھ رئے آں اچے خواب

 جدید پنجابی شاعری

وڈھے سفنے سوچ رئے آں، ویکھ رئے آں اُچے خواب

ربا! پِنڈ چوں کنڈے مُک جان، مہکن سوہنے لال گُلاب

پِنڈ ساڈا ایہہ بن جئے ستھرا، ہر تھاں کِھلرن ہاسے

ایدے توں اسیں واری جائیے، ونڈئیے کھنڈ پتاسے

امن سکون دا ویہڑا بن جائے، خُشیاں پاؤن دھمالاں

 دل دے صاف گرائیں ہو جان، چلّے نہ کوئی چالاں

سکے رشتیاں نوں دلاں چوں بھلان والیو

 جدید پنجابی شاعری

سکے رشتیاں نوں دِلاں چوں بُھلان والیو

ایہہ نئیں لبھنے دوبارہ، دل ڈھان والیو

پِچھاں پرت کے وی سار تُساں لئی کدے نہ

جان والے دے جنازے نال جان والیو

جیندے جی موڈھا دِتا ناہیں کدی کسے نوں

بھج بھج کے جنازیاں نوں چان والیو

آکڑ جے کر نکلی نہ اج تیرے وچوں

 جدید پنجابی شاعری

‏آکڑ جے کر نکلی نہ اج تیرے وچوں

لیکھاں نے وی پھٹنا نئیوں نھیرے وچوں

جیہڑے ڈنڈی مار جاندے نیں اوکھے ویلے

کڈھ دے ایسے یاراں نوں توں گھیرے وچوں

میں چاہناں واں رل مل رہئیے ماپیاں دے لئی 

کیوں نئیں مکدی تانگھ ملن دی میرے وچوں؟

سدا نہ یار یارانے رہندے سدا نہ صحبت یاراں

 سدا نہ یار یارانے رہندے، سدا نہ صحبتِ یاراں

سدا نہ کِھڑدے پُھل باغیچے، سدا نہ باغ بہاراں

سدا نہ ایتھے سُکھ نے رہنا، سدا نہ رہنے دُکھ

سدا نہ سماں برابر رہندا، سدا نہ جِتاں ہاراں

قاسم سرویا

کوٹھے کچے لوکی سچے کھلے ویہڑے ٹھنڈیاں واواں

 کوٹھے کچے، لوکی سچے، کھلے ویہڑے، ٹھنڈیاں واواں

اک دُوجے ول آؤنا جاؤنا، لگدیاں ماسیاں، سکیاں ماواں

بھانویں دولت گھٹ سی یارو، دِلاں چہ واہ وا کِھچ سی یارو

نِم، دھریکاں گھر گھر جُھمن، پِپل دیندے گُوڑھیاں چھاواں 

قاسم سرویا

سوہنا بچپن ویکھیں یارا بھلیں نہ

 سوہنا بچپن ویکھیں یارا بُھلیں نہ

تُوں سیں ماں دا راج دُلارا بھلیں نہ

اپنے نال دے سارے سجن بیلی تے

شیکو، منھا، طیفا، جھارا بھلیں نہ

ویلا موجاں مارن والا یاد رکھیں

ٹوبے، نہراں، چھپڑ، گارا بھلیں نہ

مشکل یاں آسانی یارو

مشکل یاں آسانی یارو

ہووے اِنج کہانی یارو

نور صبح دا لشکاں مارے

سوہنی شام سہانی یارو

پھل پُھل نالے ویلاں بُوٹے

سبزی گھار اگانی یارو

دل کردا اج کھائیے ساگ

 دل کردا اج کھائیے ساگ

وڈی دیگ چڑھائیے ساگ

نرم سرہوں دا گندلاں والا

آ جاؤ فیر پکائیے ساگ

پالک، دھنیا، ہریاں مِرچاں

باتُھو نال بنائیے ساگ