پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
جدید پنجابی شاعری
چار چفیرے چڑھدا سورج کیہڑے پاسے جاواں
شیشیاں ورگے رُکھ ایتھے دے دھپاں ورگیاں چھاواں
مل جاندے نیں دسن والے خواب دیاں تعبیراں
میں اس شہر دے لوکاں کولوں نینداں لکھ لُکاواں
کھلرے ہوئے فرش دے اُتے کنڈے نیزیاں ورگے
کلی اُتے ٹنگیا ہویا خوشبودار پرچھاواں
جدید پنجابی شاعری
مُڑ اوہ مینہ نہ وسیا، ورھے گواچ گئے
مُڑ اوہ رات نہ آئی عُمراں بیت گئیاں
پُھل تے کھنب کھلارے موسم بیت گیا
واء نے شاخ ہلائی عُمراں بیت گئیاں
ویکھیا سی کوئی سُفنا تارے ٹُٹ گئے
مُڑ فیر نیند نہ آئی عُمراں بیت گئیاں
