دکھڑے کرن کلام نی مائے

 جدید پنجابی شاعری

پے چلیو ای شام نی مائے

نہ آوے آرام نی مائے

اِک دو دن دی گل نہ مائے

ایتھے درد دوام نی مائے

اتھرو ڈولھاں، دس کیہ بولاں

دکھڑے کرن کلام نی مائے

ساریاں گلاں رد کر دیناں

 جدید پنجابی شاعری

ساریاں گلاں رد کر دیناں

قسمیں میں وی حد کر دیناں

اوہنوں کِیویں بُھلّاں جس نُوں

یاد کرن دی حد کر دیناں

جِتھے تیرا ناں سُن لیناں

آپنی ہستی رد کر دیناں

دلے دی سوڑ مکاون دے لئی

 جدید پنجابی شاعری

آسرا

دلے دی سوڑ 

مُکاون دے لئی

لوڑاں ہسدے مُکھ

زین شکیل

گلاں باتاں کر بیٹھا واں ویلے سر

 جدید پنجابی شاعری

گلاں باتاں کر بیٹھا واں ویلے سِر

بیڑی وانگوں تر بیٹھا واں ویلے سر

ویلا لنگھیا تے فِر اکھاں کُھلیاں نیں

میں خورے کی کر بیٹھا واں ویلے سر

مویا ہاں تے دُکھاں کھیڑا چھڈیا اے

چنگا ہویا مر بیٹھا واں ویلے سر

رو رو کے ہن پیڑاں ہسن لگ پئیاں

 جدید پنجابی شاعری

رو رو کے ہُن پیڑاں ہسن لگ پئیاں

کتھے ایہہ تقدیراں نسن لگ پئیاں

رانجھن وی تے ونجلی چُلھے پا بیٹھے

خورے کتھے ہیراں وسن لگ پئیاں

نِکی نِکی گل وی وڈی ہو جاندی

سانوں ایہہ تقصیراں دسن لگ پئیاں

سانوں کیہ دنیا دی لوڑ

 جدید پنجابی شاعری

سانوں کیہ دنیا دی لوڑ

سانوں سانول لکھ کروڑ

سانوں دُکھڑے کرن سلام

سانوں سُکھاں دی نئیں لوڑ

ساڈی چُپ ڈھاڈی مجبور

ساڈی اکھیاں پاون شور

ساڈا درداں دے ہتھ دل

 ساڈا درداں دے ہتھ دل

ساڈی اکھیاں وچ صحرا

ساڈے سینے چلدی لُو

ساڈی زخمی ہو گئی روح

ساڈے ساہواں اندر کَکھ

ساڈی ٹوٹے ٹوٹے دَکھ

راہواں وچ اوہ ڈولی سی

 راہواں وِچ اوہ ڈولی سی

دُکھاں فیر اَکھ کھولی سی

کِسراں چُکدا اس دا بھار

تیری گَل ای ہَولی سی

میں وی کِناں رویا ساں 

تُوں وی کِناں بولی سی

من دے وچ ہنیر نی مائے

 نی مائے

مَن دے وِچ ہنیر نی مائے

کیہ جِندڑی دا پھیر نی مائے

ہو سکدی اے دیر نی مائے

متھا چُم لے فیر نی مائے

کالے ورقے قسمت دے نیں

راتاں وانگ سویر نی مائے

قدم قدم تے پیڑ وے عشقا

قدم قدم تے پِیڑ وے عشقا

اکھیاں دے وچ نِیر وے عشقا

ہولی ہولی مار وے سانوں

ہن نیناں دے تیر وے عشقا

ساڈی اکھیں اتھرو لال

ساڈی اکھیں اتھرو، لال 

ساڈے سینے دکھ دے جال 

اسیں لبھدے پھرئیے سُکھ

سانوں تھاں تھاں لبھے دُکھ 

ساڈے سفنے وی کنگال 

ساڈی اکھیں اتھرو لال 

تانگ ملن دی مار گئی اے مائے نی

تانگ ملن دی مار گئی اے مائے نی
جندڑی رو رو ہار گئی اے مائے نی
اکھیاں بدلاں وانگوں وسن ہر ویلے
دھپ یاداں دی ساڑ گئی اے مائے نی

ساڈے گل وچ ہجر دا پھاہ

ﺳﺎﮈﮮ ﮔﻞ ﻭﭺ ﮨﺠﺮ ﺩﺍ ﭘﮭﺎﮦ

ﺳﺎﮈﺍ ﺭﮎ ﺭﮎ ﺍٓﻭﮮ ﺳﺎﮦ

ﺳﺎﮈﺍ ﺭﻭﻭﮮ ﺍﮎ ﺍﮎ ﻭﺍﻝ

ﺳﺎﮈﯼ ﺍﮐﮭﯿﮟ ﺍﺗﮭﺮﻭ، ﻻﻝ

زین شکیل

رو رو ہنجو مک گئے

ﺭﻭ ﺭﻭ ﮨﻨﺠﻮ ﺳﺎﺭﮮ ﻣﮏ ﮔﺌﮯ

ﺳﺎتھ ﻧﮧ ﭼﮭﻮﮌﻥ ﺍﮐﮭﯿﺎﮞ

ﺑﺎﻝ ﮐﮯ ﺩﯾﻮﺍ ﯾﺎﺩ ﺗﺮﯼ ﺩﺍ

ﺳﻔﻨﮯ ﻟﻮﮌﻥ ﺍﮐﮭﯿﺎﮞ

زین شکیل

ساڈے دل دا شہر آباد

ﺳﺎﮈﮮ ﺩﻝ ﺩﺍ ﺷﮩﺮ ﺍَﺑﺎﺩ

ﺳﺎﻧﻮﮞ ﺍٓﻭﮮ ﮈﮬﻮﻟﻦ ﯾﺎﺩ

ﺳﺎﮈﯼ ﭘِﺠﮭﯽ ﭘِﺠﮭﯽ ﺍَکھ

ﺍﺳﯿﮟ ﮨﻮ ﻧﮧ ﺳﮑﯿﮯ ﻭکھ

دید تری دی خاطر ماہیا

ﺩﯾﺪ ﺗﺮﯼ ﺩﯼ ﺧﺎﻃﺮ ﻣﺎﮨﯿﺎ

ﺭﻭ ﻭﺍﮞ ﭘﺎ ﭘﺎ ﭘﺞ ﻭﮮ ﺍﮌﯾﺎ

ﻣِﭩﮭﺎ ﻣِﭩﮭﺎ ﺑﻮﻝ ﺍﺳﺎﮞ ﻧﺎﻝ

ﺑﺪﻻﮞ ﻭﺍﻧﮓ ﻧﮧ ﮔﺞ ﻭﮮ ﺍﮌﯾﺎ

اکھیاں وچوں ڈلھیا کاجل

ﺍﮐﮭﯿﺎﮞ ﻭﭼﻮﮞ ﮈُﻟﮭﯿﺎ ﮐﺎﺟﻞ

ﻧﯿﻦ ﻣﻠﮯ ﺗﺎﮞ ﺭُﻟﯿﺎ ﮐﺎﺟﻞ

ﻟﻌﻼﮞ ﻭﺭﮔﮯ ﻧﯿﻨﺎﮞ ﺩﺍ ﻭﯼ

ﮐﻮﮈﯼ ﺩﮮ ﻣُﻞ ﺗُﻠﯿﺎ ﮐﺎﺟﻞ

سائیاں ویڑھے آیا کر

ﺳﺎﺋﯿﺎﮞ ﻭﯾﮍﮬﮯ ﺍٓﯾﺎ ﮐﺮ

ﺳﺎﺋﯿﺎﮞ ﮐﮭﯿﮉ ﮐﮭﮉﺍﯾﺎ ﮐﺮ

ﺍﯾﮩﮧ ﺩﻝ ﺗﯿﺮﯼ ﻧﮕﺮﯼ ﮨﮯ

ﺳﺎﺋﯿﺎﮞ ﭘﮭﯿﺮﺍ ﭘﺎﯾﺎ ﮐﺮ

سارا رولا انج مکاواں

سارا رولا انج مکاواں

سوہنے شہر نجف نوں جاواں

سچے دے دربار تے آواں

اوتھے اپنے زخم دکھاواں

سکھاں دے انکار تے روواں

سکھاں دے انکار تے روواں

درداں دے سنگھار تے روواں

اینا ستھرا صاف تے سچّا

سائیں دے اس پیار تے روواں