رنگ وطن: چرن لکھاری

Showing posts with label چرن لکھاری. Show all posts

Friday, 5 January 2024

جدید پنجابی شاعری/برہا دا گیت

جند

تیرے نام تو روز کبوتراں نوں

پاواں بھور کے ان دیاں بُرکیاں میں

خبراں دسے جے تیریاں ڈاک والا

دیواں کناں چوں لاہ کے مُرکیاں میں

تیرے جان مگروں گُتاں گُندھیاں نہ

نہ ہی ورتیاں بِندیاں سُرخیاں میں

اک پیر، فقیر، امیر دیاں

اک میر، سفیر، وزیر دیاں

اک مجنوں، پنوں، رانجھن، تے

اک لیلیٰ، سسی، ہیر دیاں

اک ہس ہس کھس لجان ردا

اک رو رو دل نوں چیردیاں

ڈُب رہیا واں ترن نئیں لگا

اینی چھیتی مرن نئیں لگا

میں جیون دا ہانی آں

موتے تیتھوں ڈرن نئیں لگا

میں ہاں اپنا مرشد آپ

کسے دا پانی بھرن نئیں لگا

اکتارے والیا بابا

دو تُکاں سنا جا ہیر دیاں

مرزے دے جنڈ کریر دیاں

یاں کھیوے خان شمیر دیاں

رانجھے تے پے گئی بھیڑ دیاں

یاں کسے چوچک جٹ امیر دیاں

اکتارے والیا بابا

دو تُکاں سنا جا ہیر دیاں