رنگ وطن: اتفاق بٹ

Showing posts with label اتفاق بٹ. Show all posts

Wednesday, 29 November 2023

جدید پنجابی شاعری

جت کے ہارن والے نوں اے دس چھڑیو

ہار کے جتن والا تیتھوں ہردا نئیں

لگدا توں بٹ دا حالے جانوں نئیں

ڈک لیندا اے ہنجو، ہوکے بھردا نئیں

اتفاق بٹ

کِھڑدے پھل مرجھا گئے لوکو

چن تارے وی شرما گئے لوکو

مارو ماری لگی اے تھاں تھاں

بھُکھے لُٹ کے کھا گئے لوکو

کنہوں آکھاں، کیہڑا چور اے

سارے ای ہتھ وکھا گئے لوکو

کوئی تے گل سی مِری گل وِچ

سارے ای آ گئے اوہدی وَل وچ

میں کیوں رہ گیا سب توں پچھے

اک جہے ہوندے سارے تھل وچ

جہڑے میری سن کے تڑفے

بپھرے کیوں اوہ پل ای پل وچ

اجکل تے کوئی رب سوہنے توں ڈردا نئیں

اودوں تیکر سجن نیڑے نئیں لاندا

جد تیکر میں اوہدا پانی بھردا نئیں

اتفاق بٹ

اج وی خبراں جھوٹھیاں نیں

اکھر تے سارے ای سچے نیں

پر زیراں زبراں جھوٹھیاں نیں

اتفاق بٹ