رنگ وطن: یحییٰ ناظر

Showing posts with label یحییٰ ناظر. Show all posts

Wednesday, 24 April 2024

پنجابی پوٹھواری پوٹھوہاری پہاڑی شاعری

الله پاک دیاں رحمتاں نعمتاں تھیں

بھریا ہویا خزانہ حضورؐ دا اے

عرشی جتھے آ ادب دے نال جھکدے

او با ادب آستانہ حضورؐ دا اے

رکھے مست جو نشے توحید اندر

مستی خیز پیمانہ حضورؐ دا اے

کلاسیکی پنجابی ہندکو شاعری

کُجھ نہ ہوندا نہ جیکر حضورؐ ہوندے

کُل عالم نذرانہ حضورؐ دا اے

نوری ناری انسان حیوان ہی نئیں

عاشق سارا زمانہ حضور ؐ دا اے

لا خوف دا اوہنے القاب پایا

جو وی مست مستانہ حضورؐ دا اے

کلاسیکی پنجابی ہندکو شاعری

کسے نبی رسولؐ نوں نئیں مِلیا

جیسا تاج شہانہ حضورؐ دا اے

رہندا رحمتاں نال لبریز ہر دَم

بے مثل پیمانہ حضورؐ دا اے

پڑھن سار ہو جاندا مخمور سِینہ

ایسا مست ترانہ حضورؐ دا اے