جدید پنجابی پوٹھواری شاعری
حمد
سبھاں ناں ایں والی تُوں
سبھاں سِیں وَدھ عالی توں
دُنیا نے وِچ چوہاں پاسے
رحمت نی لو بالی توں
بُوئے تہاڑے جو وی آیا
موڑیا کدے نہ خالی توں
پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
Saturday, 31 October 2026
صاحب دلاں نوں دعوت فکر دیندا توحید رسالت دا باب کلمہ
جدید پنجابی پوٹھواری شاعری
کلمہ طیبہ دی شان
صاحب دلاں نوں دعوت فکر دیندا توحید رسالت دا باب کلمہ
بے حساب خزانہ اے مومناں لئی باعثِ رحمت تے باعثِ ثواب کلمہ
آسی قبر قیامت وچ کم جیہڑا سوہنے نبیﷺ دا سوہنا جناب کلمہ
کُفر و شرک دی نفی مجید کر کے کردا باطل تائیں لاجواب کلمہ
محمد مجید ذکی
دل وچ تاہنگ چروکنی اے
جدید پنجابی پوٹھواری شاعری
دل وچ تاہنگ چروکنی اے
کملی والے دا سوہنا دیار تکاں
جتھے لائے نی میرے حضورؐ ڈیرے
اوہ پُر نُور فردوسی بازار تکاں
چُماں جالیاں روضۂ رسولﷺ دیاں
سبز گُنبد تے اعلیٰ مینار تکاں
عملاں اتے تکیہ کوئی نئیں پر ہاں نال خطاواں
جدید پنجابی پوٹھواری شاعری
التجا السلام علیکم یا اہل القبور
عملاں اُتے تکیہ کوئی نئیں، پُر ہاں نال خطاواں
یارب! صدقے آل نبیﷺ دے، کر منظور دُعاواں
فضل سمندر وگدا تیرا، کر دے کرم خُدایا
رُوح رُوحاں دی بخشش خاطر دردوں ہتھ اُٹھایا
مولا چنگے عمل کماواں، دے توفیق حضوروں
خاک وجودی پاک ہو جاوے پُر ہو جاواں نُوروں
گداگر ہاں مدینے دا نوا جانے نبی جانے
کلاسیکی پنجابی سرائیکی شاعری
گداگر ہاں مدینے دا نوا جانے نبیﷺ جانے
میڈا کم ہے صدا لانون عطا جانے نبیؐ جانے
توں پُچھ حاتم دا چالھی در ودا در در تے کاسہ جھل
میکوں ہے سئیں دا در کافی سخا جانے نبیؐ جانے
خدا ڈیوے نبیﷺ ڈیوے اے صیغہ ہے سخاوت دا
میں گِھنڑنے حق مقدراں دا خدا جانے نبیؐ جانے
Subscribe to:
Posts (Atom)