یا تے پورا حساب ہووے گا

 جدید پنجابی شاعری

یا تے پورا حساب ہووے گا

ورنہ کورا جواب ہووے گا

توں اساڈے چ آ کے رلیا نہیں

ہُن تِرا اِحتساب ہووے گا

ساتھوں جُھک کے سلام نہیں ہونا

ہوندا ہووے نواب ہووے گا

تینوں تے بس رشتے داراں چھڈیا اے

 جدید پنجابی شاعری

تینوں تے بس رِشتے داراں چھڈیا اے

مینوں میرے جِگری یاراں چھڈیا اے

سجن بیلی سوہنا وِیر تے ساؤ پُت

مینوں میرے سب کرداراں چھڈیا اے

اس توں بعد لکیراں دا پندھ رُک جاندا

جد وی نقطے نوں پرکاراں چھڈیا اے

نہ یس آکھاں نہ نو آکھاں

 جدید پنجابی شاعری

نہ یس آکھاں نہ نو آکھاں

جو آکھیں تُوں اوہو آکھاں؟

ہُن ایناں وی میں انھّاں نہیں

تیرے صِفرے نوں سو آکھاں

جو تھتّھا کر دے جِیبھاں نوں

میں اکھراں وچ پرو آکھاں

کر کے سوچ وچار آندا اے

 جدید پنجابی شاعری

کر کے سوچ وچار آندا اے

مرضی ہووے تے یار آندا اے

جو وی پاندی اے اوہنوں جچدا اے

اوہنوں سولہ سنگھار آندا اے

تیرا اِقرار چیتے آئے تے

میرے دل نوں قرار آندا اے

میں جد سوہنے دے شہر گیا

 پنجابی عارفانہ کلام

میں جد سوہنے دے شہر گیا

میں سر نوں کر کے پیر گیا

جد گنبدِ خضریٰ نوں تکیا

اس ویلے ویلا ٹھہر گیا

مِن رحمت دی خیرات ملی

میں سب دی منگ کے خیر گیا

اج وی اکھ وچاری باؤ

 جدید پنجابی شاعری

اج وی اکھّ وچاری باؤ

کھول کے بیٹھی باری باؤ

تینوں لے کے آندی نہیں جو

سڑ جاوے اوہ لاری باؤ

خورے تینوں یاد نہیں آندا

رب وی میری واری باؤ

دوروں دوروں تکیا مینوں یاراں نیں

 دوروں دوروں تکیا مینوں یاراں نیں

یاراں وِچ نہیں گنیا مینوں یاراں نیں

ویری اوتھے مَنتاں منن آندے نیں

جہڑی تھاں تے دبیا مینوں یارا نیں

سورج میری جھولی دے وِچ بیٹھا سی

راتاں اندر لبھیا مینوں یاراں نیں

ہسدی ہسدی رک جاندی اے دھی جو ہوئی

 ہسدی ہسدی رُک جاندی اے، دِھی جو ہوئی 

دیس پرائے لُک جاندی اے، دھی جو ہوئی

بابل دی پگ، وِیر دی عزت خاطر چندری

ٹُٹے نہ تے جُھک جاندی اے دھی جو ہوئی

نِکی نِکی گل تے روسے پاون والی

اک دابے وچ مُک جاندی اے، دھی جو ہوئی

حق دا حکم سناون خاطر

 حق دا حکم سناون خاطر

میں آیاں ورتاون خاطر

کاں نوں کاں توں دفن کرایا

اس مینوں سمجھاون خاطر

دھرتی وچوں میوے کڈّھے

اوہنے میرے کھاون خاطر