Showing posts with label زریں منور. Show all posts
Showing posts with label زریں منور. Show all posts

Saturday, 28 March 2026

کل صبراں دی منتی کیتی

 جدید پنجابی شاعری


کل صبراں دی مِنتی کِیتی

رب اگے فیر بِنتی کیتی

جیوندا رہنا معجزہ لگا

جد زخماں دی گِنتی کیتی


زریں منور

Monday, 10 October 2022

اک واری تے جادو ای ہویا

جدید پنجابی شاعری


 اک واری تے جادو ای ہویا

او اکھیاں وچ آن کھلویا

کون کِسے ول جھاتی مارے

کون پچھانے جیوندا مویا

جد اوس کافر دنیا چھڈی

میں وی دل دا بُوہا ٹویا

Wednesday, 1 September 2021

کدھرے جان دی لوڑ نئیں مینوں

 کِدھرے جان دی لوڑ نئیں مینوں

کہر اِچ پیار دی تھوڑ نئیں مینوں

دِید جے نئیں؟ دُکھ کاسے پا دے

اِنج تے خالی موڑ نئیں مینوں

جِسدی چھانویں بہہ جاندی ساں

لبھدا اج اوو بوھڑ نئیں مینوں

آن بنیرے بہہ جاندی اے

 آن بنیرے بہہ جاندی اے

چِڑی پراندہ لے جاندی اے 

دِھی نوں جیڑی گل میں پُچھاں

وڈی گل ای وڈی گل ای کہہ جاندی اے

ماں دے وانگو سانجھی دھرتی

سب دِیاں پیڑاں سہہ جاندی اے

ویکھ نی ماں کی آکھدا ڈھولا

 ویکھ نی ماں کی آکھدا ڈھولا

مینوں کملا جاپدا ڈھولا

کی کی راگ الاپدا ڈھولا

مینوں کملا جاپدا ڈھولا

میں سارے دی ساری اُس دی

او بس اپنے آپ دا ڈھولا