دنیا تیری اے دار تیرے نیں

 جدید پنجابی شاعری

دُنیا تیری اے دار تیرے نیں

کِنے پروردگار تیرے نیں

تیری جِت دا وسِیلہ میں بنیاں

ہار میری اے، ہار تیرے نیں؟

صدقے جاواں تِری عدالت تُوں

تِیر میرے، شکار تیرے نیں

حق وی دیون بھیک طراں انساناں نوں

 جدید پنجابی شاعری

حق وی دیون بھیک طراں انساناں نوں

سمجھے نئیں اوہ ٹھیک طراں انساناں نوں

ننگیاں کر چھڈیا اے دور ترقی دے

غاراں دے وسنیک طراں انساں نوں

میریاں غزلاں دا ہر مصرعہ جاپے گا

مظلوماں دی چیک طراں انساناں نوں

جاگو میٹی اوہدا چہرہ ویکھ رہیا ساں

 جدید پنجابی شاعری

جاگو میٹی اوہدا چہرہ ویکھ رہیا ساں

میں دھرتی توں عرش معلیٰ ویکھ رہیا ساں

اج بُلھیاں دے ہاسے دی ہِک نُکرے بہہ کے

اوہنوں پہلی وار اداسا ویکھ رہیا ساں

آ نی گل لگ ملیے جیون جوگیے موتے

میں اذلاں توں تیرا رستہ ویکھ رہیا ساں

سجن میرے ویہڑے وڑیا راتی

 جدید پنجابی شاعری

سجن میرے ویہڑے وڑیا راتی

اچن چیتی سورج چڑھیا راتی

ہن اوہ مینوں یاد زبانی سارا

اوہنوں الفوں یے تائیں پڑھیا راتی

دن چڑھیا تے ہر شئے ہو گئی کولا

دِیوے تے ہک تیلا سڑیا راتی

ساڈے کاہدے حیلے نیں

 ساڈے کاہدے حیلے نیں

ہڑھ دے اگے تیلے نیں

بُکل وِچ رو لیندے نیں

درد بڑے شرمیلے نیں

نصیر بلوچ

دل وچ آون جاون لگ پئے اوہدے انج خیال جویں

 دل وچ آون جاون لگ پئے اوہدے انج خیال جویں

ویڑھے دے وچ لکن میٹی کھیڈن نکے بال جویں

رات چنھاں دیاں پانیاں وچ کوئی انج ہڈکورے بھردائے

پانیاں وچوں لبھدا پھردائے سوہنی نوں مہینوال جویں

ہوکے انج نچن سنج بلھیاں دیاں قبراں تے

پلکاں اُتے ہنجو کھیڈن بلھے وانگ دھمال جویں

میں تینوں اوس ویلے ویکھیا سی

 میں تینوں اوس ویلے ویکھیا سی 

جدوں اکھاں نیں پہلا ساہ لیا سی

اسیں تِیجے کنارے تے مِلاں گے 

کسے نے رو کے مینوں آکھیا سی

تُوں وعدہ پورا کر کے مار چھڈیا

تیرا لارا تے میرا آسرا سی