مینوں سمجھ نئیں آوندی رب جانے

 جدید پنجابی شاعری

مینوں سمجھ نئیں آوندی رب جانے

بدی کرن والے کیہ کھٹدے نیں

گُڈی چاہڑ کے ادھ اَسمان اُتے

پِچھوں ڈور پیار دی کٹدے نیں

ہتھ دھو کے ہویا جہان ویری

ظالم لوک نائیں پِچھوں ہٹدے نیں

میں تھل وچ کوکاں ماراں

میں تھل وِچ کُوکاں ماراں

وے پنلا! آ جا وے

ریت تھلاں دی تن من ساڑے

رو رو کے دل پاؤندا ہاڑے

مینوں رولیا تیریاں پیاراں

میں تھل وِچ کُوکاں ماراں

وے پنلا! آ جا وے

جاندی واری گئیوں نہ دَس کے

پا لیا جھولی اتھرُو ہَس کے

کیوں بھُل گئیوں قول قراراں

میں تھل وِچ کُوکاں ماراں

وے پنلا! آ جا وے

وِچ تھلاں دے کَلم کَلی

آ جا پنلا! میں مر چلی

کی جینا پاہجھ دیداراں

میں تھل وِچ کُوکاں ماراں

وے پنلا! آ جا وے

منظور جھلا

https://www.youtube.com/watch?v=A9mbDFgNL7A

رج گلاں نہ کیتیاں میں ماہی تیرے نال وے

رج گلاں نہ کیتیاں میں ماہی تیرے نال وے

دیویں نہ وچھوڑا مینوں، کریں نہ بے حال وے

پیندے نیں وچھوڑے جدوں، دل ٹُٹ جاؤندے

اَکھیاں دے ہنجُو/موتی ڈُھلے، ہتھ نہیوں آؤندے

چھڈ کے نہ جاویں ڈھولا، لے جاویں نال وے

رج گلاں نہ کیتیاں میں ماہی تیرے نال وے

دیوِیں نہ وچھوڑا مینوں، کریں نہ بے حال وے

دور دے مسافرا! تینوں میں مناؤں دی آں

تیرے باہجوں رُتاں آئیاں اوہ وی لنگھ جاندیاں

چھڈ کے نہ جاویں ڈھولا، لے جاویں نال وے

رج گلاں نہ کیتیاں میں ماہی تیرے نال وے

دیوِیں نہ وچھوڑا مینوں، کریں نہ بے حال وے

منظور جھلا

تک پتری والیا لیکھ میرے

تک پتری والیا لیکھ میرے

میرے ہتھ وِچ وِنگیاں لیکاں نیں

میرے دل دا محرم آوے گا

یا ہالے ہور اڈیکاں نیں

لکھ وار دعاواں منگیاں نیں

کئی وار بہاراں لنگیاں نیں

مینوں پچھ کے دس تقدیراں توں

اجے کِنیاں دُور تاریکاں نیں

تک پتری والیا لیکھ میرے

ہاواں نال سُکیاں بُلہیاں نیں

راہواں وِچ زُلفاں کهُلیاں نیں

مینوں چهَج وچ پا کے چهَٹیو ای

تیرے لے لے نام شریکاں نیں

تک پتری والیا لیکھ میرے

نہ ماہی منزلوں دُور کرے

نہ درد غماں نال چُور کرے

میرا رونا رب منظورؔ کرے

اودهی ذات نُوں ایہو توفیقاں نیں

تک پتری والیا لیکھ میرے

میرے ہتھ وچ وِنگیاں لیکاں نیں

تک پتری والیا لیکھ میرے

منظور جھلا

https://www.youtube.com/watch?v=H_knic6DHeg

کلے کلے رکھ نے تے ٹانویں ٹانویں تارے

کلّے کلّے رُکھ نے تے ٹانویں ٹانویں تارے

سہکدے نے تیریاں وچھوڑیاں دے مارے

ٹانویں ٹانویں تارے

بُھلّے میرے لیکھ، تیرے وعدیاں تے بھُل گئی

پیار دیاں لِشکدیاں رنگاں اُتّے ڈُلہہ گئی

گہری گہری اکھیں مینوں تکدے نے سارے

سہکدے نے تیریاں وچھوڑیاں دے مارے

کلّے کلّے رُکھ نے تے ٹانویں ٹانویں تارے

اساں دل دِتّا سی تُوں دھوکہ دے کے ٹُر گئیوں

سانُوں ساری عُمراں دا رونا دے کے ٹُر گئیوں

کدی تیرے ساڈھے وی تے ہون گے نتارے

سہکدے نے تیریاں وچھوڑیاں دے مارے

کلّے کلّے رُکھ نے تے ٹانویں ٹانویں تارے

منظور جھلا

https://www.youtube.com/watch?v=JG6goaG1gR0

نہ دل دیندی بے دردی نوں نہ ہس ہس اکھیاں لاندی

نہ دل دیندی بے دردی نُوں 

نہ ہَس ہَس اکھیاں لاندی میں 

کدے نہ پچھتاندی میں

جے پتہ ہُندا تیرے وَل چھَل دا

نہ ہَس ہَس اکھیاں لاندی میں

کدے نہ پچھتاندی میں

دل والا روگ نئیں کسے نوں سنائیں دا

دل والا روگ نئیں کسے نوں سنائیں دا

اپنیاں سوچاں وچ آپ مر جائی دا

دے کے نذرانے سرکار نوں منایا اے

پڑھ کے نمازاں تے غفار نوں منایا اے

توں کی جانے کیویں رُٹھے یار نوں منائی دا

دل والا روگ نئیں کسے نوں سنائیں دا

ماہی رُس جاوے تے جہان رُس جاندا اے

ٹُٹ جاندے مان پلے کُجھ وی نہ رہندا اے

پھردا اے بندہ جیویں ماریا خدائی دا

دل والا روگ نئیں کسے نوں سنائیں دا

چھڈ منظورؔ تیرا دنیا اچ کم کی

اوہ وی ٹُر گیا جدے دم نال دم سی

موت کولوں بوہتا دکھ یار دی جدائی دا

دل والا روگ نئیں کسے نوں سنائیں دا

دل والا روگ نئیں کسے نوں سنائیں دا

اپنیاں سوچاں وچ آپ مر جائی دا

منظور جھلا

سائیں اختر حسین کی آواز میں سنئیے

https://www.youtube.com/watch?v=_BHbZWUZYBQ

وے میں چوری چوری تیرے نال لا لئیاں اکھاں وے

وے میں چوری چوری تیرے نال لا لئیاں اکھاں وے 

دنیا توں جھکاں تے میں پیار ترا رکھاں 

ما پئیاں دی لج تیرے لئی میں گنوائی وے

تُوں تے انجان ساڈی قدر نہ پائی وے

فر وی میں جھلی ہو کے راہ تیرا تکاں

وے میں چوری چوری تیرے نال لا لئیاں اکھاں وے 

لگی والیاں نوں نیند نئیں آؤندی

لگی والیاں نُوں نیند نئیں آؤندی

تیری کِیویں نی اَکھ لگ گئی

پائیاں راہاں وچ زُلیخاں سی کُلیاں

اکھاں ہیر دیاں ڈولی وِچ کُھلیاں

ادھی راتیں سوہنی چھلاں نُوں جگاؤندی 

تیری کیویں نی اَکھ لگ گئی

رات چن دی تے اُڈدا چکور سی

روندا پیار وِچ پیلاں پا کے مور سی

ڈاروں وچھڑ کے کُونج کُرلاؤندی

تیری کِیویں نی اَکھ لگ گئی

ڈِٹھا پیار نُوں زمانے دور دور تُوں

گل لگیاں دی پُچھ منظورؔ تُوں

اوہو سوندا جنہوں یاد نئیں ستاؤندی

تیری کِیویں نی اَکھ لگ گئی

منظور جھلا