رنگ وطن: خالق یار

Showing posts with label خالق یار. Show all posts

Saturday, 24 September 2022

اثر ہوندا اے بے شک صحبتاں دا

پہچانڑے جاندے نے لوگ گھرانیاں دے

کئی حمد تے نعت نوں چاہوندے نے

کئی لئیندے سرور ترانیاں دے

کئی مست رہندے وچ گودڑی دے

کئی عاشق نے لیف سرہانڑیاں دے

اے دنیا دکان کھڈونیاں دی

ایتھے کم تے کار دا وی کوئی کوئی اے

تے رنگ سرخ سفید تے سیاہ کالے

اصلی چمکاں ماردا وی کوئی کوئی اے

تے جیہڑا پیر استاد دے ہتھ آوے

ہوندا اس دے نال دا وی کوئی کوئی اے

رنگ سُوہے، سفید تے شاہ کالے

اکھی چمکاں مار دا کوئی کوئی اے

جیہڑا پیر استاد دے ہتھ آ جاوے

ہوندا اوس دے نال دا وی کوئی کوئی اے

خالق یار! بڑے بڑے انج کہی جاندے

پاوندا مُل تے یار دا کوئی کوئی اے

خالق یار

جانا چھڈ کے کم نہیں بیلیاں دا

بیلی مردے او بیلیاں نال لگ کے

پاویں او چٹا جواب وی لبھ جاوے

فیر رہندے حویلیاں نال لگ کے

کتھے او وچ چناب دے ڈُب جانا

کتھے او کھیڈنا سہیلیاں نال لگ کے