رنگ وطن: مشتاق عاجز

Showing posts with label مشتاق عاجز. Show all posts

Tuesday, 31 March 2026

جدید پنجابی شاعری

ماں

رب نے مینوں پیدا کیتا، جَمیا جایا تُوں

میری پہلی بھُکھ نوں شِیر پوایا تُوں

تُوں ای میرا پہلا رونا سُنیا سی

روندے ہوئے نُوں پہلی وار ہنسایا توں

تُوں ای مینوں بولن دا ول دسیا سی

تختی اُتے پہلا الف لکھایا توں

بہوں کَوڑ نہ کیتا کر

دشمن دار چناں

گھُٹ صبرے نے پیتا کر

مشتاق عاجز

ایہ جگنی تَسیاں بالاں دی

ریتاں وچ رُلدے لعلاں دی

ایہ جگنی لاٹ مشالاں دی

ایہ جگنی نھیرے ٹالدی اے

ایہ لہو دے دِیوے بالدی اے

مشتاق عاجز

سلھے دانے پائے

کِنج پیہواں نی مائے

مشتاق عاجز

کاہنوں لہو ساڑدا تے مغز کھپاندا ایں

کدوں کوئی سنڑدا اے عاجزاؔ ملنگ دی

گوری چٹی وینی وچ ونگ سُوہے رنگ دی

مشتاق عاجز

ایہہ گل ماں ونگیاری دسی، ونگیارے سمجھائ

ونگاں ناں چھنکاویں کڑیے، ہر ویلے ہر جائ

نہیں تاں بدنانویں نی سولی ساہواں رہسن ٹنگیاں

کچ نیاں ونگاں چنگیاں

مشتاق عاجز