رنگ وطن: عبدالرحمٰن خلدی

Showing posts with label عبدالرحمٰن خلدی. Show all posts

Tuesday, 4 July 2023

کلاسیکی پنجابی شاعری

ش شمع جگا کھاں نیکیاں دی

جدھے نال خدائی دا راہ دِسے

ایس شمع دے باہجھ نہ روشنی اے

وانگوں انھیاں سب سیاہ دسے

واقف ہوویں جے کجھ حقیقتاں دا

دنیا کوڑ جہاں تباہ دسے

کلاسیکی پنجابی شاعری

تدوں تدبیر کے کریں گا جدوں وچ قبرے تینوں پاونیں گے

تیرے بھین بھرا انگ ساک سارے سبھے چھوڑ اکلیاں جاونیں گے

تیرا نال فرشتیاں واہ پوسی گُرزاں پکڑ تیرے سر لاونیں گے

جیہڑی دیہی دا خلدیا مانڑ کریں اوڑک خاک کیڑے اوس کھاونیں گے

عبدالرحمٰن خلدی

کلاسیکی پنجابی شاعری

ز- زور دا کجھ نہ مان کرئیے

کئی زور والے اگے چُور ہوئے

رستم، سام، بہرام، لندھور جیہے

سبھے ایس جہان توں دور ہوئے

جنہاں دعویٰ خدائی دا چائیا سی

اوہ بھی چھوڑ غرور رنجور ہوئے