رنگ وطن: جاوید احمد

Showing posts with label جاوید احمد. Show all posts

Monday, 1 January 2024

جدید پنجابی شاعری

اے مُکھڑے نیں کہ شیشے دیکھدا جا

لکھے اناں تے دُکھڑے دیکھدا جا

کوئی دل ہووے پہاویں چن چمکے

چوفیرے اس دے ہالے دیکھدا جا

کوئی سُورج بنیں تے کوئی تہرتی

عدم تُوں آندے ذرّے دیکھدا جا

پنجابی پوٹھواری پوٹھوہاری پہاڑی شاعری

جند کدوں تک سہکنڑیں رہسی لمیاں پینڈیاں نے وشکار

روح پھرے وچ شہر مدینے بُت رُلے پنڈی پوٹھوہار

اُنج اساں ہر رنگ لخنڑیں آں چن تارے خوشبواں وی

صفت نبیؐ نی جدوں لخیے لفظاں منی آپنٹریں ہار

جاوید احمد

پنجابی پوٹھواری پوٹھوہاری پہاڑی شاعری

سلام بحضور امام عالی مقام

تُساں شاناں والے دوہترے تُساں نبیؐ ناں لاڈ پیار

تساں مَلَک او وِچ ملائکاں تساں جنت نے سردار

تساں لاڈلے ابو تراب نے تساں نانے پاک نی لج

مکھ لاٹ شہادت لشکنی کئی جئی تساں نی سج

تساں زلف نبیؐ نی تھم کے رہے موہڈیاں اتے سوار

تساں جیدھر چاہیا موڑیا انہاں نہیں کیتا انکار

پنجابی پوٹھواری پوٹھوہاری پہاڑی شاعری

اپنی اپنی سب پئے بانے، تُوں وی تے کُج بول یرا

چپ تروڑ تے سامنے آ ہوٹھاں نیں جندرے کھول یرا

اس تواڑی دھرتی پر اُڈرن اوپرے چوپرے جئے پکھلو

تُوں صدیاں نا ڈریا مریا کدے تے تُوں پَر تول یرا

سُن سُن کے ایہہ بول بدیسی اپنی بولی پُلیاں ناں

گا اپنے ماہیئے تے ڈھولے کنّاں وِچ رس گھول یرا