کنج گزارے تیرے بن

 کنج گزارے تیرے بن

لمیاں راتاں لمے دِن

ہجراں تکلے چاہڑ دتا

ہنجھواں لائی کِن مِن

پیار نبھانا سوکھا ہوندا

نہ مردے عاشق پن پن

اندر دا اوہ ننگ وکھا کے

 اندر دا اوہ ننگ وکھا کے

بدل گئے نیں رنگ وکھا کے

عشق دا ناگ لڑا گئی اے

وینی والی ونگ وکھا کے

سنگی میرا ساتھ نئیں دتا

جُھوٹی مُوٹھی سنگ وکھا کے

جہڑا سکھ ہواواں دے وچ

 جہڑا سکھ ہواواں دے وچ

اوہو پیار وفاواں دے وچ

اوہنے تے بس اکھ ملا کے

مار دتا اے چاہواں دے وچ

میں وی پیار نبھاواں گی

آ جاوے جے اداواں دے وچ

شکوے کاہدے کالاں تے

 شکوے کاہدے کالاں تے

پینڈے پے گئے سالاں تے

ویری رُتاں ہوئیاں نیں

صدقے تیریاں چالاں تے

لگے اگ وچھوڑے نوں

تیرے ای دُکھ پالاں تے

پیار دا بدل گجیا سی

 پیار دا بدل گجیا سی

سِدھا سینے وجیا سی

پیر دی مِٹی چھڈی نئیں

کیہڑا ویکھو پجھیا سی

سینہ چیر کے ویکھیا اے

اوہدا ای ناں سجیا سی

ہوکے تے کجھ ہاواں دے وچ

 ہوکے تے کجھ ہاواں دے وِچ

چن گواچا راہواں دے وچ

پریت نبھانی اوکھی اے

بندا مُکدا چاہواں دے وچ

جنہوں دل دا حال سنایا

اوہ ای وسدا ساہواں دے وچ

بھار ونڈانے پیندے نیں آپے لائیاں لیکاں تے

 بھار ونڈانے پیندے نیں

آپے لائیاں لیکاں تے

ویری مگروں لہہ گئے تے

اپڑاں گے فر پیکاں تے

جنہاں لئی چین گنوایا

اوہ وی کہن پھٹیکاں تے