پچھن والا حال ای کوئی نئیں

 جدید پنجابی شاعری

پُچھن والا حال ای کوئی نئیں

کلّا واں میرے نال ای کوئی نئیں

ویکھ تے کنگھی ویچن والیا

میرے سر تے وال ای کوئی نئیں

دل کیویں ترے ہتھ پھڑانواں

تیرے کول سمبھال ای کوئی نئیں

منہ دے وچوں گل تے کڈو

جدید پنجابی شاعری

منہ دے وچوں گل تے کڈو

دُکھاں دا کوئی حل تے کڈو

وانگ نمانا رُوڑیاں پھردا

ایہدے مغزُوں جھل تے کڈو

وِگڑے نوں سمجھانا اوکھا

متھیوں ایہدے ول تے کڈو

میں کلا تے توں وی کلا کوئی نا رشتے دار بنایا

 جدید پنجابی شاعری

میں کلا تے توں وی کلا

کوئی نا رشتے دار بنایا

ما پے دھیاں پتر سب کُجھ

ایویں ای اک وچار بنایا

تُوں، میں دا، تُو رولا پایا

اپنے ای دل تے بھار بنایا

پہلاں پہل خیال بچھاوے

 جدید پنجابی شاعری

پہلاں پہل خیال بچھاوے

گلاّں کر کے جال بچھاوے

لباں تے اوہدے ہاسے نچن

رونے اکھیاں نال بچھاوے

جگ دی جِیب دے تِیراں اگے

منہ پھٹ وانگوں ڈھال بچھاوے

ہر ہر رنگ نرالے ویکھے

 جدید پنجابی شاعری

ہر ہر رنگ نرالے ویکھے

چِٹے، اندروں کالے ویکھے

چُوٹھ نے ہر تھاں قبضے کیتے

سچ دے بُوہے تالے ویکھے

اندروں جے کر مُک جاوے تے

سیک وی نت سیالے ویکھے