رنگ وطن: فیاض انجان

Showing posts with label فیاض انجان. Show all posts

Friday, 27 October 2023

جدید پنجابی شاعری

ہووے جدر پلڑا بھاری

اودر جاوے خلقت ساری

سچ جھوٹ جے نکھیڑاں

رہسی جاندی دنیا داری

غم لا کے سینے تائیوں

چموڑ بیٹھاں نال بیماری

لوک تے خالی کرن بکھیڑے

او دسے چار چفیرے چانن

سٹن وچ اے گھپ ہنیرے

او دسے درس عاجزی دا

اے دسن سانوں اچے ڈیرے

توبہ

کیتی غلطی دی کر سوری لے

لاہ متھے توں پہوری لے

کر بیٹھا ایں جو کرنا سی

منجے تھلے پھیر ڈنگوری لے

چھڈ جھوٹے خاب تے شان درازی

چھوڑ دے لانی سٹے بازی

ناں او مٹی دی کٹوی

ناں او لکڑ دی ڈوئی

ناں او نکی جئی چلہانی

ناں او رہی کچی رسوئی

ناں او انگیٹھیاں دے سیکے

ناں او کالی جئی لوئی

ایں سال تے گزریا واہ کمال اے

کئیاں پائے نی ون پونے لیڑے

کئیاں دی ہوسی ادھڑی کھال اے

کئی ٹُرے ہوسن راہ حق دی

کئیاں چلی ہونی الٹی چال اے