مٹی پانی سچا اکو پکیاں وی اک بھٹھے
ایہہ کیوں نالی وچ نیں لگیاں اوہ کیوں محل دے متھے
ماڑے نوں وکھ بنہنڑ نالوں تگڑے دے سنگ پنہو
سانجھی کھُرلی وِچوں جیہڑا کھان نہیں دیندا پٹھے
ساڈے وِچ کمی اے کیہڑی، سانوں آکھو کمّی
ساڈے نال کھلو کے ویکھن راجے، چیمے، چٹھے
پرھیا دے وچ تاں جانواں گا شرط میری جے منو
کسے وی اک دی خاطر اوتھے منجا کوئی نہ ڈٹھے
خبرے کیہڑے کچے کوٹھے ڈھہن دی فیر اے واری
اسماناں تے کالے بدّل فیر ہو گئے نیں کٹھے
بابا نجمی
ایہہ کیوں نالی وچ نیں لگیاں اوہ کیوں محل دے متھے
ماڑے نوں وکھ بنہنڑ نالوں تگڑے دے سنگ پنہو
سانجھی کھُرلی وِچوں جیہڑا کھان نہیں دیندا پٹھے
ساڈے وِچ کمی اے کیہڑی، سانوں آکھو کمّی
ساڈے نال کھلو کے ویکھن راجے، چیمے، چٹھے
پرھیا دے وچ تاں جانواں گا شرط میری جے منو
کسے وی اک دی خاطر اوتھے منجا کوئی نہ ڈٹھے
خبرے کیہڑے کچے کوٹھے ڈھہن دی فیر اے واری
اسماناں تے کالے بدّل فیر ہو گئے نیں کٹھے
بابا نجمی
