رنگ وطن: شوکت فہمی

Showing posts with label شوکت فہمی. Show all posts

Tuesday, 17 December 2024

جدید پنجابی شاعری

آوندے پل دا ڈر سی مینوں

اج وی کل دا ڈر سی مینوں

آخر اوہی حل بچیا اے

جیہڑے حل دا ڈر سی مینوں

دنیا چنگی لگن لگ پئی اے

ایسے گل دا ڈر سی مینوں

شوکت فہمی

جدید پنجابی شاعری

یار ای کوئی نئیں تے یاراں دا کال وی نئیں

کلہے وی نئیں اسی کسے دے نال وی نئیں

انج وی ساڈا حال کسے نے نئیں پُچھیا

وکھری گل اے دَسن والا حال وی نئیں

ویلے دی دُھپ اپنا رنگ وکھا گئی اے

چِٹا جے نئیں لہُو تے ایناں لال وی نئیں