رنگ وطن: مبشر فیضی

Showing posts with label مبشر فیضی. Show all posts

Saturday, 5 October 2024

پنجابی عارفانہ کلام

دھپاں مڑیاں ٹھنڈیاں چھاواں آئیاں نیں

مہکاں نعت کیاری جد دیاں لائیاں نیں

پورب پچھم اتر دکھن کتھے نئیں

چارے پاسے نعت دیاں رشنائیاں نیں

مٹھے مٹھے بول کسے دے نئیں اینے

ماں بولی نیں رمزاں دل دیاں پائیاں نیں

پنجابی عارفانہ کلام

دن رات سناواں گے سرکارﷺ دیاں نعتاں

چنگیاں نیں اساڈے لئی دلدارﷺ دیاں باتاں

کیہ نسل تے کیہ رنگ اے کد پچھدے او لوکاں توں

ناں ویکھدے عیباں ول ناں یار دیاں ذاتاں

کیہ دساں میں بھلا یارو! محبوب مِرا کنج دا

بے مثل اوہدا ہر دن اسرار دیاں راتاں

پنجابی عارفانہ کلام

غماں دے قہر وچ ہڈاں دا بالن بال رہنے آں

دُکھاں دی اگ وچ سڑنے آں ہر دم لال رہنے آں

مگر ایہہ حال وی ساڈا کسے دا ہور نئیں ہرگز

نبیؐ دے پیار دے صدقہ سکوں دے نال رہنے آں

اسی جپنے آں رب دا نام منہ کعبے دے ول کر کے

"نبیؐ دی نعت دے صدقے سدا خوشحال رہنے آں"

پنجابی عارفانہ کلام

نبی دی محفل چہ آ کے بیٹھو نوال سارا حضور دا اے

خدا نے خلقت بنا کے دسیا، منال سارا حضور دا اے

ایہ پھل بُوٹے ایہ چن تارے نگہ نوں بھاندےعجب نظارے

کمال اوہدی نیں قُدرتاں دے، جمال سارا حضور دا اے

نبی دی الفت پچھان ساڈی نبی دی مدحت امان ساڈی

دھیان رہندا مدینے ولے، خیال سارا حضور دا اے