رنگ وطن: خلیل عاصم

Showing posts with label خلیل عاصم. Show all posts

Wednesday, 11 December 2024

جدید پنجابی پوٹھواری شاعری

سورج سامنے سی پیر وچ دلدل

دین والے دتا اختیار ڈک کے

پہنچے جدوں مقام طلوعِ شمس

کرن والے نے کیتی پکار ڈک کے

قطب قوم یاجوج ماجوج ویکھی

قدم پرتے نے وچ دیوار ڈک کے

جدید پنجابی پوٹھواری شاعری

عمر بن ہشام٭ اک روز پُچھدا

سوہنے نبیؐ دا سوہنا رفیق ڈک کے

اِتھوں بیت المقدس اُتھوں عرش اُتے

راتیں گیا تے آیا انیق ڈک کے

ہے ناممکن، ناممکن بھی ہے ممکن

نہیں کوئی شک فرمایا صدیق ڈک کے

جدید پنجابی پوٹھواری شاعری

ایہ عشق دی گل، ایہ نُور دی گل

کیویں برسیاں نُوری پھُواراں پڑھ لے

چل اُنہاں دے نقش قدم تے چل

گیاں خزاں تے آیاں بہاراں پڑھ لے

ایہ دو دونے چار دا نہیں پہاڑا

نہ ہی دس نہ وِی ہزاراں پڑھ لے