پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
جدید پنجابی شاعری
آزادی منگناں تے کوئی ظلم نئیں فیر کشمیر تھیں ہو تقصیر گئی اے
دنیا وچ سی اک ایہ حسِین وادی بن جہدی ہن خونی تصویر گئی اے
ٹکڑا جنت دا لوکی آکھدے نیں ہو دوزخ نال تعبیر گئی اے
جویں ہیر بیلیاں وچ خوار ہو کے پچھے رانجھے دے ہو فقیر گئی اے
آزادی خاطر کشمیری عوام یارو ہو دنیا وچ ظہیر گئی اے
میاں قصورمند
چوہدری عنایت علی
جدید پنجابی شاعری
دِلا ڈر کے گناہ تھیں رب اَگے توں اپنا آپ کھلار دامن
ہے اُمید کہ تیری آواز سن کے بخشش وچ آ جائے بخشنہار دامن
اُہدا نام غفور الرحیم مولا لئے ہر اک گناہگار دامن
جتھوں بھر بھر جھولیاں لئی جاندے تیرے ویہندیاں ای طلبگار دامن
اپنے فضل تے کرم دے نال مولا میرا بگڑیا لئیں سنوار دامن
میاں قصورمند
چوہدری عنایت علی
کلاسیکی پنجابی شاعری
تیرے بُوہے تے آ گیاں یا مولا ہُن دس میں کیہڑی دعا منگاں
نہ کُجھ آوندا نہ کجھ جاوندا اے اگے پچھے لفظ کر کے پیا منگاں
بھید دل دے سارے معلوم تینوں کر قبول جیہڑے وی داہ منگاں
قصور مند تے اک گُنہگار بندہ پیا دوزخاں کولوں پناہ منگاں
میاں قصورمند
چوہدری عنایت علی
جدید پنجابی شاعری
پنجاب ضلع گجرات اے میرا جلال پور جٹاں تھانہ بڑا پُرانا
ذات وڑائچ تے پِنڈ کسوکی جتھے پایا راہنا اوہ خاص ٹھانہ
مان گمان تے شان نئیں کوئی ہے غریبی بانا وقت ٹپانا
قصور مندا حال میرے دا واقف اے آپ ربّانا میں کِنُوں سُنانا
میاں قصورمند
چوہدری عنایت علی
جدید پنجابی شاعری
ہُن لِکھاں جواب خراب حالت ساڈا قیدی جے لکھ جوان ہویا
رکھیو حوصلہ گھبروؤ دیس دیو تہاڈے غم وِچ دیس حیران ہویا
ہور تے کسے دا گیا کجھ وی نئیں پنجاب دا ای سارا نقصان ہویا
آوندی اجے پنجاب نوں ہوش نئیں ایہہ پنجاب دا ای سارا نقصان ہویا
سندھی سرحدی بلوچی نیں کھان والے کمان اُتے وی پنجابی کسان ہویا
جنرل نیازی تے وی دل نئیں رہیا راضی کاہنوں فوجاں اُتے حکمران ہویا
جدید پنجابی شاعری
خوشی باہجھ نہ لَباں تے آون ہاسے
دُکھاں باہجھ نہ رونے روئے جاندے
درداں باہجھ نہ کالجے چھیک ہوندے
چھیکاں باہجھ نہ موتی پروئے جاندے
کرماں باہجھ نہ کھیڈدے لعل جھولی
جھولے پا نہ جھول جھلوئے جاندے
جدید پنجابی شاعری
کھوتے وانگ نہ جیہڑا اڑی چھڈے
اوہنوں آکھدے نیں بندہ تڑے دا اے
جیہڑا پوں کے کسے دے گل پئے جائے
اوہنوں آکھدے جگرے بڑے دا اے
دانشمند دی گل نُوں سُنے کوئی نہ
ویکھیا پینچ فراڈیا پرے دا اے
جدید پنجابی شاعری
جان والیا جان دی خیر ہووی جان لگیاں انج تے جائی دا نہیں
جائیے دلاں دی سن سنا کے تے وہم کسے دے دل وچ پائی دا نہیں
جے ہووے خطا تے بھلا دئیے جان بجھ کے دل ٹھکرائی دا نہیں
قصور مند سیانیاں آکھیا اے حساب سجناں نال مکائی دا نہیں
میاں قصورمند
چوہدری عنایت علی
جدید پنجابی شاعری
ہر کسے نوں کسے تے مان ہندا مان کسے نوں ودھیریاں پتراں دا
دولت مال دا کسے نوں مان یارو کسے نوں مان اے گھوڑیاں شتراں دا
عقل علم دا کسے نوں مان یارو کسے نوں مان و دهیریاں تکراں دا
قصور مند نوں تیرا اے مان مولی بہرحال گزاردا اے شکراں دا
میاں قصورمند
چوہدری عنایت علی
جدید پنجابی شاعری
سُتا کوئی نئی اُٹھ کے خوش ہوندا
بڑے سُتے اوٹھال کے میں ویکھیا اے
وفادار نئی کوئی کتے دی ذات جیا
ٹکر سوکا وی پا کے میں ویکھیا اے
اے در کسے مالک دا چھڈدے نئیں
بڑی وار آزما کے میں ویکھیا اے
